Bartolommeo Berrecci
Si Bartolomeo Berrecci (1480 Pontassieve, Italya - 1537 Kraków, Polonya) sarong Italyano Renasimyentong arkitekto na haros an saiyang karera pigpraktis niya sa Polonya.[1]
Mga adal asin karera sa Polonya
baguhonSiya nakanood nin arkitektura sa Florence, enot sa pagpeyon sa saiyang ama na saro man na arkitekto. Siya posible pigtukdoan ni Andrea Ferrucci, an amigo kan saiyang ama na saro man Florentinong arkitekto. Siya naghubo' sa Polonya kan 1516 sa pag'agda kan obispo Jan Łaski na magsalo kan trabaho sa pagpakarhay asin pagsulit kan Wawel Royal Castle sa Kraków pakagadan ni Francesco Fiorentino, na katuwang ni Benedykt na taga- Sandomierz. An kastilyo nasulo kan 1499, asin an pagpakarhay pagsulit kaini nakontrata ni Sigismund I nin Polonya. Siya man an nagkua na kan talyer ni Florentino na kairiba niya mga artista sinda Bernardino di Gianotis, Giovanni Cini haleng Siena, Mikołaj Castiglione, asin lima pang myembro kan pamilya Soli.[2]
Siya nagtrabaho sa Kraków, Niepołomice, Poznań, Tarnów asin man posible sa Vilnius kun saen an Palasyo Royal nin Lithuania hinirahay. Siya nagin mayamanon sa Polonya, na may rogaring na mga harong sa Kraków asin natad na ladrilyo. Siya ginadan nin saro man na nauuring artistang Italyano kan 1537 sa Kraków. Siya nakalubong sa Corpus Christi Basilica sa Kazimierz, Kraków.
Pamana
baguhonAn pinakaimportanteng trabaho ni Berrecci iyo an kapilya nin mga Jagiellonian, an Kapilya Sigismund para sa Hadeng si Sigismund I an Gurang sa Wawel (1517–1533) sa may Kraków; ini konsideradong pinakamagayon na arkitekturang Renasimyentong Italyano sa luwas kan Italya. Mga pirang taon pa, si Santi Gucci nagtugdok nin pantyong para sa Hadeng si Sigismund II Augustus asin Reyna Anna Jagiellon (an aking lalaki asin babae ni Sigismund I) sa laog kan kapilya. An pagkagadan ni Berrecci kan 1537 resulta kan impeksyon kawsa kan sarong aksidente sa pagtrabaho sa lulubngan ni Piotr Tomicki.[3]
An ibang trabaho niya kabarali pa an:
- paghirahay kan Wawel kastilyo royal
- pagsu'yab sa Kastilyo Niepołomice
- baldachin para sa lulubngan ni Władysław II Jagiełło
- lulubngan kan mga obispo na sinda Jan Konarski (nagadan 1525) asin Piotr Tomicki (nagadan 1535) sa Katedral Wawel
- lulubngan ni Barbara Tarnowska asin mga lulubngan kan tolong Jans sa Katedral sa Tarnów.
Siya saro sa karakter sa bantogan na pinta ni Jan Matejko, Prussian Homage.[4]
