Bantayog Festival

An Bantayog Festival sineselebrar poon Abril 2 sagkod Mayo 6 sa Camarines Norte. Ini manungod sa Inot na Bantayog ni Dr. Jose Rizal, kun sain ini an sentro kan selebrasyon. Kasabay kan piyesta iyo an anibersaryo kan probinsya.

Uusipon

An piyesta na ipinangaran sa inot na bantayog ni Rizal na iginibo kan 1898 nagtataong atensyon sa mga namana na mga kultura asin likas-yaman, sagkod pa man mga dai pa bistadong atraksiyon para sa mga turista.

An probinsya ginibo kan Amerikanong Gobyernong Sibil kadtong Abril 15, 1920 hali sa probinsya kan Ambos Camarines, kaya naisuway ini sa Camarines Sur.

An selebrasyon nagpoon kan April 14-18, 1898 sa pagrukyaw sa mga lokal na bayani sa Rebolusyon kan Daet memorial monument para sa mga Katipuneros na nagbali sa sumbikal laban sa Espanya.

Tinatawan man pag-umaw an tagareporma kan panahon nin Kastila na si Jose Ma. Panganiban, mga rebolusiyonaryong Gen. Vicente Lukban asin Lt. Col. Francisco "Turko" Boayes, pamayo kan Rebolusyon kan Daet asin payo kan resistensia na si Wenceslao Vinzons kan Ikaduwang Gerang Pankinaban.