Balukag
An mga balukag iyo an epidermal na nagtatalubo na minabilog nin napapalaen na pantahob sa mga avian (gamgam) asin sa nagkapirang bakong avian na dinosaurs asin iba pang archosaurs.
Iyan an pinakakomplikadong estrukturang integumentaryo na yaon sa mga bertebrates asin sarong halimbawa nin sarong komplikadong ebolusyon.[1][2][3] Kabilang sinda sa mga karakteristiko na nagpapamidbid sa nag-eeksister na mga gamgam sa ibang nabubuhay na grupo.[4]
Maski ngani an balukag nakatatahob sa kadaklan kan hawak kan gamgam, an mga ini nabutwa sana hale sa nagkapirang magagayon na tract sa kublit. Nagtatabang sinda sa paglayog, insulasyon sa init, asin nganing dai mabasa nin tubig. Dugang pa, an kolor nakakatabang sa komunikasyon asin proteksyon.[5] Plumolohiya (o plumage science) an ngaran kan siyensiya na konektado sa pag-adal nin mga balukag.[6]
An mga balukag may nagkapirang bilang nin gamit kultural, asin relihiyoso. An mga balukag kapwa malomoy asin ekselente sa pag-olang nin init; Sa siring, kun beses ginagamit iyan sa halangkaw na klase nin gamit sa katurogan, nangorogna sa mga ulunan, tamong, asin mattress. Ginagamit man iyan na panlaag sa gubing para sa tiglipot asin sa katurogan na panluwas, arog baga nin quilted coats asin sleeping bags.. An mga gansa asin eider igwa nin dakulang loft, an kakayahan na pahiwason hale sa sarong compressed, nasasaray na estado tanganing siloon an dakol na komplikadong kompartmentalisado asin nag-iinsular na doros.[7] An mga balukag nin darakulang gamgam (sa parati gansa) iyo na asin ginagamit sa paggibo nin saradit na quill pens. Sa kasaysayan, an pagdadakop nin mga gamgam para sa mga balukag na may dekorasyon asin samno nagsapeligro sa nagkapirang klase asin nakatabang na makakontribwir sa pagkapara nin iba. Ngonyan, an mga balukag na ginagamit sa moda asin sa militar na mga headdress asin gubing nakukua bilang basurang produkto nin pag - oma na poultry, kabale an mga manok, gansa, panbo, pheasant, asin ostriches. An mga balukag na ini ginagakot asin pinaghihimo sa pagpagayon kan saindang hitsura, ta an mga balukag sa poultry natural nang malaman an hitsura kun ibabaing sa balukag kan mga gamgam na layas.
Toltolan baguhon
- ↑ Prum, Richard O. & AH Brush (2002). "The evolutionary origin and diversification of feathers". The Quarterly Review of Biology 77 (3): 261–295. doi:. PMID 12365352. http://www.yale.edu/eeb/prum/pdf/Prum_n_Brush_2002.pdf. Retrieved on 7 July 2010.
- ↑ Prum, R.O.. "Which Came First, the Feather or the Bird?". Scientific American 288 (3): 84–93. doi:. PMID 12616863. http://www.yale.edu/eeb/prum/pdf/Prum_n_Brush_2003.pdf. Retrieved on 7 July 2010.
- ↑ Prum, Richard O (1999). "Development and Evolutionary Origin of Feathers". Journal of Experimental Zoology Part B: Molecular and Developmental Evolution 285 (4): 291–306. doi:. PMID 10578107. Archived from the original on 9 April 2011. https://web.archive.org/web/20110409103417/http://ncsce.org/PDF_files/feathers/Prum%20feather.pdf. Retrieved on 7 July 2010.
- ↑ Li, Quanguo (9 March 2012). "Reconstruction of Microraptor and the Evolution of Iridescent Plumage". Science 335 (6073): 1215–1219. doi:. PMID 22403389. Bibcode: 2012Sci...335.1215L.
- ↑ Pettingill, OS Jr. (1970). Ornithology in Laboratory and Field. Fourth edition
. Burgess Publishing Company. pp. 29–58. ISBN 0808716093.
- ↑ Eichhorn, hrsg. von Manfred (2005). Langenscheidt Fachwörterbuch Biologie Englisch : englisch – deutsch, deutsch – englisch (1. Aufl. ed.). Berlin [u.a.]: Langenscheidt. p. 537. ISBN 3861172283. Archived from the original on 17 December 2017. Retrieved 24 April 2015.
- ↑ Bonser, R.H.C.; Dawson, C. (1999). "The structural mechanical properties of down feathers and biomimicking natural insulation materials". Journal of Materials Science Letters 18 (21): 1769–1770. doi:.
