Bagyong Aere (2011)
An Bagyong Aere, na midbid sa Pilipinas na Bagyong Bebeng, sarong mahoyong bagyo sa tropiko na nakaapektar sa sirangan na Pilipinas asin sa timog na parte kan Hapon. Idto an enot na inapod na bagyo kan panahon nin bagyo sa Pasipiko kan 2011. An Aere iyo an termino sa Marshalles para sa bagyo.[1] Sa Pilipinas, si Aere nagdara nin makosogon na pag -oran na nagresulta sa pagrasay nin daga asin pagbaha na tulos nagpawara sa supaly kan kuryente sa nagkapirang lugar sa bilog na Luzon. Labing 50 byahe nin eroplano an kinanselar o pinarayo huli sa maraot na kamugtakan nin panahon pati an byahe ni Presidente Benigno Aquino III pauli hali sa sarong tiripon kan mga lider kan mga nasyon sa Indonesia pigkanselar sa laog nin sarong aldaw. Pinapondo kan mga gwardiya sa costares an mas sadit na mga baroto sa paghale sa mga duongan sa Catanduanes asin sa mga lugar sa palibot, kaya 1,379 katawo an dai nakahali. Labing 7,200 na ectares (17,800 kilometro kuadrado) nin bagas, mais asin halangkaw na mga pananom na nagkakantidad nin labing 118 milyones pesos ($2.7 milyones) an naraot o nadistroso. Nasa 35 katawo an nagadan asin duwa pa an nawawara dahil sa bagyong Aere. An Agrikultural na kawaran kinakalkulo sa PHP1.37 bilyones (US $31.7 milyones).
| Tropical storm (JMA scale) | |
|---|---|
| Tropical storm (SSHWS) | |
 Aere shortly before being named on May 7 | |
| Nabuo | May 5, 2011 |
| Nawara | May 15, 2011 |
| (Extratropical pagkatapos kan May 12, 2011) | |
| Duros | 10-minute sustained: 75 km/h (45 mph) 1-minute sustained: 95 km/h (60 mph) |
| Pressure | 992 hPa (mbar); 29.29 inHg |
| Mga gadan | 44 direct, 4 indirect |
| Mga danyos | $34.4 million (2011 USD) |
| Apektadong lugar | Philippines, Japan |
| Parte kan 2011 Pacific typhoon season | |
Kan Mayo 3, pinonan kan JTWC na subaybayan an sarong nabibilog na bagyo na tuminubo sa laog nin sarong monsoon mga 140 kilometro (85 milya) sagkod sa solnopan nin Palau.[2] Sa panahon na ini an depresyon nasa hababang sirkulasyon, maluya asin dai naorganisar, mantang naoobserbaran sa bilog na sistema an kadikiton na pag-oswag. Sa suminunod na duwang aldaw an depresyon luway - luway na nag - oswag bago iyan ipinahayag na tropikal na depresyon kan JMA asin kan JTWC durante kan 6 na Mayo. Sa parehong banggi, itinaas na kan PAGASA an depresyon bilang sarong tunay na bagyo asin ini tinawan nin lokal na pangaran na 'Bebeng'. Sa hapon kan Mayo 7, itinaas naman kan JMA an depresyon bilang sarong bagyo asin pinangaranan ining 'Aere'.
Preparations
baguhonPhilippines
baguhonHaros pakapoon tolos kan PAGASA na subaybayan an saindang sistema, an NDRMC nagpalataw nin patanid sa bagyo 1 sa mga lugar nin Luzon asin Visaya. An Nasyonal na Pulisiya kan Pilipinas pinagbotan na ipadagos an pagreport kan mga pangyayari sa NDRMC siring sa nangyari. Pig alerto man kan Departmentong Pansalud an gabos na ospital sa mga rehiyon nin bagyo asin pinatanidan sinda na ipadagos an koordinasyon sa PAGASA.[3] Dai nahaloy, pinonan na kan PDRRMC an mga initiatibo sa pag - ebakwar pabalyo sa probinsia nin Albay na may populasyon na 63,964 na nag - eerok sa 152 Barangay bilang paglikay. Siring man,pigdesignar man kan Armadong Puersa kan Pilipinas (AFP) an nagkapirang lunadan asin militar tanganing maingat na masubaybayan an situwasyon sa bilog na nasyon asin madara nin bagas para sa pag - ayuda.[4]
Taiwan
baguhonAn mga opisyal sa Taiwan nagpaluwas nin patanid sa dagat asin pinaisi an mga nag - eerok sa sirangan asin timog na parte kan isla-nasyon manongod sa makosogon na oran na puedeng darahon ni Aere.[5] An Sentral na Kapanahonan na Bureau sa Taiwan pinatanidan an gabos na barko sa Bashi Channel harani sa timog na baybayon na maglikay sa bagyo huli sa mga report na an makosog na oran puwedeng tumama sa sirangan asin sa timog na parte nin Taiwan na madara nin pagrasaynin daga asin pagbaha.[6]
Epekto Asin Danyos
baguhon
Amay kan Mayo 8, an bagyong Aere nagrapado sa Norte kan Catanduanes asin nagdara nin makusog na uran sa bilog na nasyon. Nasa 210 na pasahero sa duongan kanLucena na byaheng Marinduque asin 125 na pasahero sa duongan kan Romblon na byaheng San Fernando, Romblon an na istranded matapos ikanselar an saindang mga byahe huli sa makusog na uran asin isog kan kadagatan dara kan bagyo. Lampas 100,000 man na mga namamanwaan an naghali sa saindang pigeerokan dahil sa huma kan pagrasay ka daga. An bagyong Aere nagresulta man sa pagrasay nin daga asin pagbaha na nagdulot nin pagkawara nin suplay nin kuryente sa pirang lugar sa Luzon. Ribo man ang tinabangan na makahali sa saindang mga umahan sa palibot kan bulkang Mayon sa probinsya nin Albay, sa takot sa pagrasay kan daga asin makusog na paguran na nagresulta man nin pagbaha pakatapos kan bagyo. Sarong residente sa probinsya kan Sorsogon na saro man biktima kan bagyo nagheras kan saiyang namatean ,nagsabing "Sobrang rarom kan pagbaha, nag-abot ini lampas-tao". Lampas 50 byahe an pigkanselar o pinarayo dahil sa raot kan panahon na dara ni Aere. Si President Benigno Aquino III pigkanselar nin sarong aldaw an saiyang byahe pauli hali sa pagtiripon kan mga lider kan mga nasyon sa Indonesia dahil sa raot kan panahon. An mga opisyales man nag abiso sa nagkapirang nakaistar sa mga agriklutural na rehiyon sa norte na maging handa sa mga pagrasay kan daga asin mga pagbaha pakatapos kan bagyo. Pinapundo man kan mga bantay sa costares an paghali kan saradit na baroto sa duongan kan Catanduanes asin palibot kaini, kaya 1,379 katao an na istranded pakatapos ianunsar kan NDRRMC na paorogon an pagbantay sa mga costares. Lampas sa 7,200 ektarya (17,800 acres - 27 square miles) nin paroy, mais asin halangkaw na kalidad nin mga pananom na nagkakantidad nin labing 118 million piso ($2.7 million) an naraot o naperwisyo. Sabi kan National Disaster Risk Reduction and Management Council, nasa 35 na katao an nagadan asin duwa pa an nawawara resulta kan bagyong Aere. An kawaran sa agrikultura puminakol sa PHP1.37 billiones (US$31.7 million). An labi-labing baha asin pagrasay man kan mga daga nagperwisyo sa mga kaharongan, nakaulang sa mga tinampo asin sa komunikasyon. Sa Catarman, Northern Samar, 377.4 millimetres (14.86 in) nin uran an buminulos sa laog sana 24 oras, na nagresulta sa labi-labing pagbaha.
Pagretiro
baguhonPakatapos kan labing danyos asin perwisyo kan bagyo sa Pilipinas, kan June 2012, pig anunsyo kan PAGASA na an pangaran na Bebeng maretiro na asin riribayan nin Betty, na enot na ginamit kan panahon 2015.
- Typhoon Noul (2015)
- Typhoon Nida (2004)
- Typhoon Songda (2011)
Referensiya
baguhon- ↑ "First tropical storm of year takes shape southeast of Taiwan". The Central News Agency. Retrieved 3 September 2011.
- ↑ Joint Typhoon Warning Center. "Significant Tropical Weather Outlook for the Western and South Pacific Oceans 2011-05-03 14z". United States Navy, United States Airforce. Archived from the original on 2014-03-04. Retrieved 10 March 2012.
- ↑ "NDRRMC Update Initial Report on Tropical Depression "Bebeng"" (PDF). National Disaster Risk Reduction and Management Council. Retrieved 3 September 2011.
- ↑ "NDRRMC Update SitRep No. 1 on Tropical Storm "BEBENG"" (PDF). National Disaster Risk Reduction and Management Council. Retrieved 3 September 2011.
- ↑ "Philippine storm kills 17 people, threatens north". Bloomberg. Retrieved 3 September 2011.
- ↑ "Taiwan issues sea warning for Tropical Storm Aere". Malaysia Star. Retrieved 3 September 2011.
Panluwas na takod
baguhon- JMA General Information of Tropical Storm Aere (1101) from Digital Typhoon
- The JMA's Best Track Data on Tropical Storm Aere (1101)
- The JMA's RSMC Best Track Data (Graphics) on Tropical Storm Aere (1101)
- The JMA's RSMC Best Track Data (Text)
- The JTWC's Best Track Data Archived 2018-09-25 at the Wayback Machine. on Tropical Storm 03W (Aere)
- 03W.AERE Archived 2021-02-14 at the Wayback Machine. from the U.S. Naval Research Laboratory
