BacMan Geothermal Power Plant

An Bac-Man Geothermal Production Field, o urog na bisto bilang an BacMan Geothermal Power Plant, iyo an saro sa mga estasyon na minagamit nin enerhiyang heotermal na pig-ooperar kan Korporasyon kan Nagpapauswag nin Enerhiya sa mga probinsya kan Albay asin Sorsogon sa Filipinas. An pangaran kaini gikan sa kinamumugtakan kaining mga banwaan na iyo an Bacon asin Manito.

Sa ngunyan na operasyon

An lado nin heotermal na ini kayang maggibo nin 140 megawatts nin elektrisidad para sa isla kan Luzon. Binibilog ini nin duwang mga planta nin kuryente:

• BacMan 1 - An lugar nin Palayang Bayan binibilog nin 22 na mga production well asin 9 na mga reinjection well.
• BacMan 2 - An lugar nin Cawayan asin Botong (decommissioned) binibilog nin 8 mga production well asin 7 mga reinjection well.

Uusipon

• Kan 1977, nagpuon an eksplorasyon sa lugar kan Cawayan na pig-ooperar kan sarong kompanyang Australyano.
• Kan 1979, namukna an BacMan Geothermal Field.
• Kan 1993 sagkod 1995, nagkaigwa nin inot na yunit nin pagpapadalagan sa Palayang Bayan na pig-aapod na Palayang Bayan Yunit 1 asin 2.
• Kan 1996, namukna an pangaduwang yunit nin pagpapadalagan sa lugar nin Cawayan.
• Kan 1998, nangyari an pangatolong yunit nin pagpapadalagan sa lugar kan Botong alagad kadtong 2004, nabawasan ini huli ta sa pagkaraot kan mga pasilidad.
• Kan 2007, an Philippine National Oil Company (PNOC) - naisapribado an EDC asin inilipat sa Lopez Group of Companies.