Avaaz
An Avaaz sarong sibikong kaayonan pangkinaban na tinogdas kan Enero 2007. An katuyohan kaini iyo na makilabot sa mga isyumg pigtutubod kaini importanteng gayo arog kan paghihira sa klima, diretsong pantawo, diretsong panghayop, korupsyon, pagtios, asin diringkilan. Tinotonggo kaini na masara an pag'oltan "kan kinaban na igwa kita, sa kinaban na kadaklan sato minama'wot na gayo na magkatotoo."[1]
An organisasyon naghihiro sa 15 tataramon asin sinasabi igwang kaapil ini na sobra sa tolong polong milyon harale pa sa 194 nasyon, asin sabi ngane kan The Guardian, ini na an aktibistang kasararoan na "igwang pinakadakula asin lakop-lakop naggad na on-line network sa enterong kinaban." [2]
Kagmukna
baguhonGrupo
An Avaaz.org kapwa-mukna kan Res Publica, "sarong komunidad nin mga propesyonal sa sektor publiko na dedikado sa pagtolod kan marhay na paggogobyerno, toltol na gawe asin demokrasyang nakikilabot" asin kan MoveOn.org, sarong progresibong non-profit na grupo sa Amerika. Ini suportado man kan Service Employers International Union, kagmukna man siring asin kan GetUp!, saro man na non-profit na organisasyon sa Australya
Indibidwal
An mga indibidwal na mga tawo sa likod kan pagmukna kaini iyo sinda Ricken Patel, Tom Pravda, an dating kongresista sa Virginia (EU) na si Tom Perriello, MoveOn Executive Director Eli Pariser, an Australyanong entrepreneur si David Madden, Jeremy Heimans, asin si Andrea Woodhouse. An hunta binibilog ni Ricken Patel bilang presikdente, Tom Pravda, sekretaryo, Eli Pariser, pamayo kan hunta, asin si Ben Brandzel, tesorero.[3]
Liderato
An nagtataong direksyon bilang direktor ehekutibo asin kagmuknang presidente iyo si Ricken Patel.[4] Siya nag'adal nin inaapod na PPE (pulitika, pilosopiya asin ekonomiks) sa Balliol College, Oxford University. Nakamit niya an Masters sa Public Policy sa Harvard University. Nakipagtrabaho siya sa International Crisis Group kun saen-saen na parte kan kinaban: sa Sierra Leone, Liberia, Sudan asin sa Apganistan kun saen sabi niya nakanood siyang darahon sa lamesa nin negosasyon mga pwersang rebelde, an pagmonitor na hilom nin eleksyon, an pagbabalik sa pagtiwala kan banwaan sa dati koruptong sistema pulitika, asin mariraw kun may mga pwersang dayuhan naghihiro sa likod." Pagbalik niya sa Amerika, siya nagbali sa MoveOn.org, kun saen siya hararom nakanood paggamit kan mga on-line na kasangkapan para sa aktibismo.[5]
Pagkukuan pondo, pagpili kan itotolod na kampanya asin pagpadalagan
"Poon kan 2009, an Avaaz dai na nag'aako nin mga donasyon sa darakulang pundasyon o korporasyon asin dai man naako nin kwartang ambag sobra sa $5000 (£3,100)" ini an osip kan The Guardian. "Logod, nagsasarig sana sa bukas na puso kan mga indibidwal na kaapil, mala ta an mga ini nakatao na nin ambag sobra $20m (£12.4m)." Kan taon 2011, igwa an Avaaz nin 50ng katuwang sa opisina.[6]
Ginikanan kan katagang "avaaz"
baguhonAn katagang Avaaz boot sabihon "tingog" sa Hindi (आवाज़ āvāz), asin sa Persa (آواز āwāz). Pero sa Urdu an kahulogan kaini "tanog". An katagang ini nakukua man sa turko, bosnio, nepali, bengali asin iba pa.
Mga panluwas na takod
baguhonToltolan
baguhon- ↑ http://www.avaaz.org/en/about.php Kinua 11-03-14
- ↑ http://www.theguardian.com/world/2012/mar/02/avaaz-activist-group-syria Kinua 11-03-14
- ↑ http://dynamodata.fdncenter.org/990_pdf_archive/205/205050267/205050267_200912_990O.pdf[permanent dead link] Kinua 11-14-03
- ↑ http://www.economist.com/node/8703047/print?story_id=8703047 Kinua 11-03-14
- ↑ http://www.scribd.com/doc/48808533/The-Times-profile-of-Avaaz-and-Ricken-Patel-Feb-9-2011 Kinua 11-03-14
- ↑ http://www.theguardian.com/world/2011/jul/20/avaaz-activism-slactivism-clicktivism Kinua 12-03-134
