Audrey Hepburn

Si Audrey Hepburn (nmndg: Audrey Kathleen Ruston; Mayo 4, 1929 - Enero 20, 1993) sarong aktress na Briton-Belga, sarong humanitaryo, modelo y parabayle. Siya nagawadan kan Oscar saka premyo Tony.

Audrey Hepburn
Hepburn in 1956
Kamundagan	Audrey Kathleen Ruston (1929-05-04)4 Mayo 1929 Ixelles, Brussels, Belgium
Kagadanan	20 Enero 1993(1993-01-20) (edad 63) Tolochenaz, Vaud, Switzerland
Lulubngan	Tolochenaz Cemetery, Tolochenaz, Vaud
Nasyunalidad	Briton
Trabaho	Aktres (1948–1989) Humanitaryo (1988–1992)
Kasaroan	Robert Wolders (1980–1993; sa pagkagadan nya)
Mga aki	2
Mga magurang	Baroness Ella van Heemstra Joseph Victor Anthony Ruston
Sadiring-tao	Baron Aarnoud van Heemstra (lolo sa ina) Emma Ferrer (makuapong babae)
Lagda

Si Hepburn saka si Anthony Perkins sa pelikulang Green Mansions (1959)

Lolo ni Hepburn, Aarnoud van Heemstra, gobernador kan kolonyang Suriname

Lulubngan ni Hepburn sa Tolochenaz, Switzerland

Kahoy na hormahan kan bitis ni Hepburn sa Salvatore Ferragamo Museum

Namundag sa Ixelles, Belgium, si Hepburn sa saiyang pagkaaki haros nag'estar sa Nederland asin sa Arnhem, Nederland na okupado kan mga tropang Aleman kan Ikaduwang Gerang Pankinaban. Duman sa Arnheim nag'adal siyang ballet dangan kan 1948 nagdakit sa London kun saen siya nagpadagos pag'adal ballet manta na nagin siyang modelo kan sarong retratista.

Screentest ni Hepburn sa "Roman Holiday" (1953)

Si Hepburn asin William Holden sa Sabrina (1954)

Katampad si Mel Ferrer sa Mayerling (1957)

Si Shirley MacLaine saka Hepburn sa trailer para sa The Children's Hour (1961)

Si Hepburn asin Cary Grant sa Charade (1963)

Si Pres. Reagan asin Audrey Hepburn nag'uulay (1981)

Pakatapos pagpapel niya sa magkapirang perlikulang europeo, asin paghimo niya sa sarong papel sa dramang Broadway na Gigi, siya nagpapel kan bida sa Roman Holiday (1953) asin ngapit ngane nagin na siyang saro sa pinakalataw na aktress sa kinaban. Dangan kan siya nagpapel sa Sabrina (1954), The Nun's Story (1959), Breakfast at Tiffany's (1961), Charade (1963) asin My Fair Lady (1964), naghakot siya nin mga nominasyon para sa, asin guminana, kan Academy Awards, sa Golden Globes asin BAFTAS asin, siring man, kan Tony Award huli sa performance niya sa 1954 na dulang Ondine. Masabi pa, si Hepburn saro sa dikit sanang mga entertainer na naripol makamit an Oscar, Emmy, Grammy asin Tony Awards. Sa totoo ngani, kan 1959 an American Film Institute isina'ngat siya sa pwesto bilang saro sa "five greatest female stars" sa sineng amerika.

Si Hepburn nagluwas na sa mas didikit nang pelikula kan mga huring taon ta saiya nang pigsisibotan an mga aktibidad sa UNICEF. Siya nag'ambag nin husto sa organisasyon na ini poon pa kan 1954. Dangan siya nagtrabaho sa mga pinakadukha na mga komunidad sa Aprika, Sud Amerika, asin Asya sa pag'ultan kan mga taon 1988 asin 1992. Nagawadan siya kan Presidential Medal of Freedom sa pagmidbid kan saiyang trabaho bilang UNICEF Goodwill Ambassador kan Desyembre 1992. Pakalihis sambulan kaini si Hepburn nagadan huli sa appendiceal cancer sa saiyang harong sa Switzerland sa edad na 63.

Karera sa Entertainment

Pag'adal Ballet asin amay na mga papel sa akting (1945–1952)

Kan matapos an 1945, si Hepburn saka ina niya mga tugang naghubo' sa Amsterdam, kun saen nagtraining siya sa ballet ki Sonia Gaskell, sarong nangengenot na pigura sa ballet'ng Olandes, asin ki Olga Tarasova, saro man na Rusong paratukdo.

Ta natunaw an yaman kan pamilya durante kan gera, si Ella pigsuportahan sinda bilang paraluto asin para'asikasong-harong para sa sarong mayaman na pamilya. Si Hepburn nagdebut sa pelikula kan 1948, na kinawat niya komo sterwardess na Olandes sa Dutch in Seven Lessons, sarong pelikulang pang-edukasyon asin pangbiyahe ginibo ni Charles van der Linden asin Henry Josephson.

Dangan sa taon na idto si Hepburn nagduman sa London sa pagkua nin scholarship sa ballet sa Ballet Rambert, na kan enot nakabase sa Notting Hill. Itinangro' na saiya an scholarship kaidto pang 1945 kaya lang nagsayuma siya ta may problema sa status niya sa saiyang nasyunalidad.}} Sinuportahan niya sadiri niya mantang nag'aadal paagi nin pagmodel asin hinale niya an "Ruston" sa saiyang apelyido. Kan sinabihan siya ni Rambert na apesar kan saiyang talento, an saiyang pagkahababa asin gamay na hawak iyo an maulang saiya na magin siyang prima ballerina, naisip niya logod na magkonsentrar na lang sa akting.

Manta na si Ella nagsisibot sa mga hababang trabaho masuportaran sana sinda, si Hepburn nagpapel komo chorus girl sa West End, sa teatro musikal revue na High Button Shoes (1948) sa London Hippodrome, asin sa ki Cecil Landeau na Sauce Tartare (1949), Sauce Piquante (1950) sa Cambridge Theatre. Durante kan trabaho niya sa teatro, nagkua siyang mga leksyon sa elocution sa aktor na si Felix Aylmer ngane mapagayon an saiyang pagboses.

Kan nahiling siya kan sarong casting director manta na yaon siya sa pag'akting sa Sauce Piquante, si Hepburn inulayan na magin sarong bulan-bulan na aktres sa Associated British Picture Corporation. Siya nagluwas sa BBC Teleplay The Silent Village, asin sa mga menor na papel sa mga 1951 na pelikulang One Wild Oat, Laughter in Paradise, Young Wives' Tale, asin sa The Lavender Hill Mob. Kan 1953 siya ikinasa sa pinakaenot niyang mayor na supporting role sa ki Thorold Dickinson na mga pasale, an The Secret People (1952), bilang sarong talentadong ballerina, na pinahiling niyaman an saiyang husay sa paggibo kan mga sunod -sunod na pagbabayle tama sa programa.

Si Hepburn dangan natangroan nin sadit na papel sa pelikulang pigpipitik sa Ingles asin Pranses, Monte Carlo Baby (French: Nous Irons à Monte Carlo, 1952), na ginibo sa Monte Carlo. Natongod man si nobelistang Pranses na si Colette yaon sa Hôtel de Paris sa Monte Carlo durante kan pagpepelikula, asin naisipan na ikasa si Hepburn sa papel titulado kan Broadway drama na Gigi. Si Hepburn naghimong mag-rehearsals palibhasa dai pa man lamang nagtaram sa entablado, asin nangaipong tukdoan personal igdi. Kan an Gigi magbiklad sa Fulton Theatre kan 24 Nobyembre 1951, naumaw na gayo siya kan saiyang performance, maski totoo may mga tuyaw na an bersyon sa entablado mas maluya sa kalidad kumpara sa pelikulang adaptasyon sa Pranses.An Life nagsabing marayrahay saiyang pasale, manta an The New York Times nagmasid na an "saiyang kalibre nakakaganyat na gayo asin tama lang na siya nagdarang eksito kan bangging idto". Nagresibe man siya nin Theatre World Award sa pagpapel niya igdi. An drama naglawig nin 219'ng episodyo, na nagsara kan 31 Mayo 1952, bago ini ipinagbyahe sa tour kan 13 Oktobre 1952 sa Pittsburgh, binisita an Cleveland, Chicago, Detroit, Washington D.C., asin Los Angeles bago nagsara kan 16 Mayo 1953 sa San Francisco.

Mga humanitaryong kasibotan

Sa mga huring aldaw kan saiyang karera, si Hepburn nagsibot sa paglibot sa mga sobrang tios na mga nasyon. Mala ta siya natokang "Goodwill Ambassador of UNICEF" asin nagduman sa Mek'ele kan Etopya kan 1988 kun saen natabangan niyang mapadarhan nin pagkakan an 500 na mga kaakian yaon sa peligrong magadan sa gutom. Sa Turkey nagduman man siya kan Agosto 1988 asin duman an programa nin "immunization" asin pagkaag nin water system napangyari. Siring man kan Oktobre 1988 binista niya an Sud Amerika kun saen sa Venezuela asin Ecuador nahimong matogdas an tamang mga water system sa mga lugar na maipo an malinig na tubig. Nakipagsumpongan man siya sa mga lideres kan Honduras, El Salvador asin Guatemala sa Central America sa pagdara kan mga programa kan UNICEF. Taon 1989, Abril kaidto, sinongko niya an Sudan sa pagbungsod kan "Operation Lifeline" sa tahaw nin gera sibil. Kan Oktobre 1990 binisita niya an Biyetnam sa pasgpasunod kan programang "immunization" asin pagkaag nin toltol na water system. Alagad, an grabeng kagutoman na namalas niya iyo an sa Somalia na nagtanyog na gayo saiya kan siya nagduman kan Septyembre 1992, apat na bulan bago siya naotsan buhay dara kan minamate niyang kahelangan na "appendiceal cancer". Sabi niya, haros maski saen makukua an mga lubongan dawa saen na sana, sa gilid gilid, sa dalan, sa pampang salog asin haros mayo nang mapaglubongan kan mga bangkay.

Pamana

An pamanang kultura ni Audrey Hepburn nagdadanay maski gadan na siya. An American Film Institute pigsambit na si Hepburn ikatolo sa mga sinasabing Greatest Female Stars of All Time. Siya sa magkapira sanang mga entertainer na nasikwit maubos an premyo Academy, Emmy, Grammy asin Tony Awards. Ginana niya an tolong BAFTA Award para sa Best British Actress in a Leading Role na bihira mangyari.. Sa mga ultimong taon niya, siya nagdanay na makusog na presensya sa kinaban nin pelikula. Nawarasan siya nin pag'onra hale sa Film Society of Lincoln Center kan 1991 asin parating taga-duhol sa mga paggagawad nin Academy Awards. Naresibi niya BAFTA Lifetime Achievement Award kan 1992. Siya resipyente nin mga gawad postuma kabali na diyan an 1993 Jean Hersholt Humanitarian Award asin an piggaganahan na Grammy saka Emmy Awards. Si Hepburn laman nin dakal nang mga sinurat na biograpiya poon kan siya nagtalikod na sa buhay, saro na diyan an 2000 na pagdrama kan buhay niya titulado The Audrey Hepburn Story na an nagbida iyo si Jennifer Love Hewitt asin Emmy Rossum bilang iyo an gurang asin hubin pang Hepburn. Kan Enero 2009, si Hepburn nakaiba sa lista kan The Times' komo saro sa nangengenot na 10 aktres na Briton.

An imahe ni Hepburn ginagamit na gayo sa mga advertising sa bilog na kinaban. Sa Hapon, sarong serye nin komersyal igwang mga klip o pasirip kan sarong kabtang kan "Roman Holiday" sa pag'advertise kan Kirin black tea. Sa Estados Unidos, si Hepburn natampok sa sarong 2006 Gap komersyal na inusar an mga klip kan pagbayle niya sa pelikulang Funny Face, asin nagtataram "Back in Black", na may tagline "It's Back – The Skinny Black Pant". Sa pagrokyaw kan kampanyang "Keep it Simple", an Gap nagdonar nin dakulang kantidad sa Audrey Hepburn Children's Fund. Kan 2012, si Hepburn saro sa British cultural icons pinili kan artistang si Sir Peter Blakena maluwas sa bagong bersyon kan saiyang bantogan na obra an sa Beatles na Sgt. Pepper's Lonely Hearts Club Band, takop kan album na ini sa pagselebrar kan mga pigurang Briton na saiyang inaaraan. Kan 2013, sarong representasyon sa kompyuter ni Hepburn an ginamit sa advertising sa telebisyon para sa tsokolateng Briton, an Galaxy. Kan 4 Mayo 2014, an Google nagtampok nin doodle sa homepage kaini kan manongod kan kuta ika-85ng kaaldawan ni Hepburn.

Mga panluwas na takod

• Official website Archived 2017-12-28 at the Wayback Machine. ni Hepburn asin kan Audrey Hepburn Children's Fund
• Buhay asin mga naginibo ni Audrey Hepburn]
• Mga websayt dapit ki Audrey Hepburn] Archived 2011-05-11 at the Wayback Machine.
• Gibong humanitario ni Audrey Hepburn

Mga ginunuan

• Eastman, John (1989). Retakes: Behind the Scenes of 500 Classic Movies. Ballantine Books. ISBN 0-345-35399-4. 
• Ferrer, Sean (2005). Audrey Hepburn, an Elegant Spirit. New York: Atria. ISBN 978-0-671-02479-6. 
• Fishgall, Gary (2002). Gregory Peck: A Biography. Simon and Schuster. ISBN 0-684-85290-X. 
• Gitlin, Martin (2009). Audrey Hepburn: A Biography. Westport, Conn.: Greenwood Press. ISBN 978-0-313-35945-3. 
• Givenchy, Hubert de (2007). Audrey Hepburn. London: Pavilion. ISBN 978-1-86205-775-3. 
• Harris, Warren G. (1994). Audrey Hepburn: A Biography. Wheeler Pub. ISBN 978-1-56895-156-0. 
• Hill, Daniel Delis (2004). As Seen in Vogue: A Century of American Fashion in Advertising. Texas Tech University Press. 
• Moseley, Rachel (2002). Growing Up with Audrey Hepburn: Text, Audience, Resonance. Manchester University Press. ISBN 978-0-7190-6310-7. 
• Paris, Barry (2001) [1996]. Audrey Hepburn. Berkley Books. ISBN 978-0-425-18212-3. 
• Sheridan, Jayne (2010). Fashion, Media, Promotion: The New Black Magic. Wiley-Blackwell. ISBN 978-1-4051-9421-1. 
• Spoto, Donald (2006). Enchantment: The Life of Audrey Hepburn. Harmony Books. ISBN 978-0-307-23758-3. 
• Steele, Valerie (9 November 2010). The Berg Companion to Fashion. Berg Publishers. ISBN 978-1-84788-592-0. Retrieved 16 May 2011. 
• Vermilye, Jerry (1995). The Complete Films of Audrey Hepburn. New York: Citadel Press. ISBN 0-8065-1598-8. 
• Walker, Alexander (1997) [1994]. Audrey, Her Real Story. London: Macmillan. ISBN 0-312-18046-2. 
• Woodward, Ian (31 May 2012). Audrey Hepburn: Fair Lady of the Screen. Ebury Publishing. ISBN 978-1-4481-3293-5. 

Dagdag na babasahon

• Brizel, Scott (18 November 2009). Audrey Hepburn: International Cover Girl. Chronicle Books. ISBN 978-0-8118-6820-4. 
• Byczynski, Stuart J. (1 January 1998). Audrey Hepburn: A Secret Life. Brunswick Publishing Corporation. ISBN 978-1-55618-168-9. 
• Cheshire, Ellen (19 October 2011). Audrey Hepburn. Perseus Books Group. ISBN 978-1-84243-547-2. 
• Hepburn-Ferrer, Sean (5 April 2005). Audrey Hepburn, An Elegant Spirit. Simon and Schuster. ISBN 978-0-671-02479-6. 
• Hofstede, David (31 August 1994). Audrey Hepburn: a bio-bibliography. Greenwood Press. 
• Karney, Robyn (1995). Audrey Hepburn: A Star Danced. Arcade Publishing. ISBN 978-1-55970-300-0. 
• Keogh, Pamela Clarke (2009). Audrey Style. Aurum Press, Limited. ISBN 978-1-84513-490-7. 
• Kidney, Christine (1 February 2010). Audrey Hepburn. Pulteney Press. ISBN 978-1-906734-57-2. 
• Life: Remembering Audrey 15 Years Later. Life Magazine, Time Inc. Home Entertainment. 1 August 2008. ISBN 978-1-60320-536-8. 
• Marsh, June (June 2013). Audrey Hepburn in Hats. Reel Art Press. ISBN 978-1-909526-00-6. 
• Maychick, Diana (1 May 1996). Audrey Hepburn: An Intimate Portrait. Carol Publishing Group. ISBN 978-0-8065-8000-5. 
• Meyer-Stabley, Bertrand (2010). La Véritable Audrey Hepburn (in French). Pygmalion. ISBN 978-2-7564-0321-2. 
• Morley, Sheridan (1993). Audrey Hepburn: A Celebration. Pavilion Books. ISBN 978-1-85793-136-5. 
• Nirwing, Sandy (26 January 2006). An American in Paris: Audrey Hepburn and the City of Light - A historical analysis of genre cinema & gender roles. GRIN Verlag. ISBN 978-3-638-46087-3. 
• Nourmand, Tony (2006). Audrey Hepburn: The Paramount Years. Boxtree. ISBN 978-0-7522-2603-3. 
• Paris, Barry (11 January 2002). Audrey Hepburn. Berkley Pub Group. ISBN 978-0-425-18212-3. 
• Ricci, Stefania (June 1999). Audrey Hepburn: una donna, lo stile (in Italian). Leonardo Arte. ISBN 978-88-7813-550-5. 
• Wasson, Sam (22 June 2010). Fifth Avenue, 5 A.M.: Audrey Hepburn, Breakfast at Tiffany's, and The Dawn of the Modern Woman. HarperCollins. ISBN 978-0-06-200013-2. 
• Yapp, Nick (20 November 2009). Audrey Hepburn. Endeavour. 

Pelikula

Lista kan mga kredito sa pelikula

Titulo	Taon	Papel	Nota	Toltolan
Dutch in Seven Lessons	1948	Stewardess	Dutch: Nederlands in Zeven Lessen
One Wild Oat	1951	Resepsyonista sa otel	Dai naka-kredito
Laughter in Paradise	1951	Babaeng parayopyop
The Lavender Hill Mob	1951	Chiquita
Young Wives' Tale	1951	Eve Lester
Monte Carlo Baby	1951	Linda Farrell Melissa Farrell (Bersyon Pranses)	Dagos-dagos pinagkamera sa Ingles asin Pranses French: Nous irons à Monte-Carlo
Secret People	1952	Nora Brentano
Roman Holiday	1953	Princess Ann
Sabrina	1954	Sabrina Fairchild	UK: Sabrina Fair
War and Peace	1956	Natasha Rostova
Funny Face	1957	Jo Stockton
Love in the Afternoon	1957	Ariane Chavasse
Green Mansions	1959	Rima
The Nun's Story	1959	Sister Luke
The Unforgiven	1960	Rachel Zachary
Breakfast at Tiffany's	1961	Holly Golightly
The Children's Hour	1961	Karen Wright
Charade	1963	Regina Lampert
Paris When It Sizzles	1964	Gabrielle Simpson
My Fair Lady	1964	Eliza Doolittle
How to Steal a Million	1966	Nicole Bonnet
Two for the Road	1967	Joanna Wallace
Wait Until Dark	1967	Susy Hendrix
Robin and Marian	1976	Maid Marian
Bloodline	1979	Elizabeth Roffe
They All Laughed	1981	Angela Niotes
Always	1989	Hap

Telebisyon

Lista kan mga kredito sa telebisyon

Titulo	Taon	Papel	Istasyon	Nota	Toltolan
Sauce Tartare	1949	Di alam	BBC	Pelikulang pantelebisyon
Saturday Night Revue	1950	Dai aram	BBC Television Service	3 kabtang
Sunday Night Theatre	1951	Celia	BBC Television Service	Kabtang: "The Silent Village"
CBS Television Workshop	1952	Virginia Forsythe	CBS	Kabtang: "Rainy Day at Paradise Junction"
Producers' Showcase	1957	Mary Vetsera	NBC	Kabtang: "Mayerling"
A World of Love	1970	Siya mismo	CBS	Espesyal nin UNICEF
Love Among Thieves	1987	Caroline DuLac	ABC	Pelikulang pantelebisyon
American Masters	1988	Siya mismo	PBS	Kabtang: "Directed by William Wyler" Dokumentaryo
Gregory Peck: His Own Man	1988	Siya mismo	Cinemax	Dokumentaryo
Gardens of the World with Audrey Hepburn	1993	Siya mismo	PBS	Dokumentaryong serye

Teatro

Lista kan mga kredito sa teatro

Titulo	Taon	Papel	Teatro	Nota	Toltolan
High Button Shoes	1948–1949	Chorus girl	London Hippodrome
Sauce Tartare	1949	Chorus girl	Cambridge Theatre
Sauce Piquante	1950	Itinampok na kagpapel	Cambridge Theatre
Gigi	1951–1952	Gigi	Fulton Theatre	24 Nobyembre 1951 – 31 Mayo 1952
Ondine	1954	Ondine	46th Street Theatre	18 Pebrero 1954 – 3 Hulyo 1954