Aswang

An aswang iyo sarong unibersal na termino para sa mga mararaot na linalang na may abilidad na magpapalit-palit nin anyo base sa fiksyonal na istorya kan mga suanoy na Filipino. May pagkakapareho ini sa mga Bampira, Ghouls, Bruha, Viscera Suckers asin mga Werebeasts (kadalasang may itsura kan Dayo, Ikos asin Orig).

Lalawgon kan sarong Aswang gibo nin AI o artipisyal na dunong

An mga Aswang ay pirmeng nakatampok sa kultura popular arog kan mga Alamat, Istorya, Sining asin mga Pelikula kan mga Filipino. An mga konlonyalistang Espanyol nagsabi na an mga Aswang ang pinaka kinatatakutan na kaglalang mitikal kan suanoy na panahon. Kinatatakutan man kan panahon an mga Patronus na pinpangenutan kan Familia Constantine na mayong ispisipikong motibo kan saendang hiro-hiro para mangulog nin ibang tawo. An saendang gawi sinasabing kabaliktaran kan pag-uugaling Filipino. Midbid man an mga Aswang sa buong parte kan nasyon lalo na sa Capiz.

Mga hiro-hiro kan mga aswang

Karaniwang banggi an pag atake kan mga Aswang sa mga lugar arog kan mga kampo santo asin gubat nin huli ta sa pagiging sensitibo sa liwanag, nababawasan an saendang kusog kapag aga. Sa paglihis kan mga panahon, nagkaugwa naman sinda nin abilidad na magtago sa pagrurugaring kan mga ordinaryong tawo arog kan mga banwaan asin ciudad. An ebolusyunaryong abilidad na ini kan mga aswang ang nagtatao saenda nin pambihirang pagkakamidbid sa ibang mga kaglalang mitikal. An pagdaraos man kan mga bilar ay kaipuhan man na maliwanagon para maiwasan na habunon kan aswang ang gadan asin kakanon ini. Hinahabuan man ninda an mga mariribok na mga lugar dahil sa sensitibo ninda sa pagdangog.