Astato

An astato o astatino (Spanish: astato, Ingles: astatine) iyo sarong elementong kimikal na radyoaktibo asin may simbolo na At sagkod atomikong bilang na 85. Ini an pinakamagabat sa nadiskobre na elementong haloheno. Maski ngani namokna ini sa paagi nin pagkalapang radyoaktibo sa kalibotan, nahihiling sana ining may kadikit na bilang nin huli sa halipot kaining kabangang buhay.

Si Emilio Segrè na iyo saro sa nakadiskobre sa elementong astato

Enot na nakagibo nin astatino sinda Dale R. Corson, Kenneth Ross MacKenzie, asin Emilio Segrè kaidtong 1940. Tolong taon an nakaagi bago nahiling an mga bakas nin astatino sa laog nin mga natural na mineral. Hasta sa kansuarin sana, kadaklan sa mga karakter na pisikal asin kimikal kan astatino iyo nakabase sana gikan sa pagkokompara sa iba pang mga elemento. Pira sa mga isotopo kan astatino an piggagamit bilang mga tagapagluwas o "emiter" nin mga partikulong alpa sa mga paggamit na makasiyensya asin naporbaran na man an paggamit na pangmedisina kan astatino bilang 211 (astatine 211 sa Ingles). Sa ngunyan, an astatino an pinakabihirang natural na naglalataw o natural na nadiskobreng elemento, na may mas hababa sa sarong onsa sa bilog na kadagaan sa kinaban.

Hilingon man

• Iyodo (Iodine)
• Teluryo (Tellurium)
• Radon