Asghar Leghari vs. Pederasyon nin Pakistan
An Asghar Leghari vs. Pederasyon nin Pakistan sarong kaso sa Lahore High Court kan 2015 na naghatol na pigbabalgar kan gobyerno an National Climate Change Policy kan 2012 asin an Framework for Implementation of Climate Change Policy (2004-2030) sa dai pagkamit sa mga target kan nasabing mga polisiya. Bilang simbag, kinaipuhan na bilugon an Komisyon sa Pagbago nin Klima tanganing tabangan an Pakistan na maabot an target kaini sa klima.[1]
Pinagpunan
baguhonSarong estudyante sa batas sa rehiyon nin Punjab sa Pakistan, nahiling Asghar Leghari na nasasapeligro an saiyang mga pananom siring man kan saiyang mga kataraid huli sa kakulangan nin tubig asin mga bagyo na pinakusog pa lalo kan pagbago nin klima. Nagsangat sya nin petisyon na nagsasabi na an saiyang pundamental na mga karapatan binalga huli sa pagpapabaya sa polisiya sa pagbago nin klima.[1]
Sinurat nya na nagpahiling an gobyerno nin "inaksyon, delay asin kakulangan nin pagkaseryoso" sa atubang kan mga angat na dara kan pagbago nin klima. Narealisar ni Leghari na an inaksyon na ini isinapeligro an kakanon, tubig, asin seguridad sa enerhiya kan nasyon.[2]
Kan nakaagi, an polisiya sa pagbago kan klima iniasa sana sa lambang mga probinsya. Minsan siring, nadiskubre sa sarong pag-adal kan Lahore University of Management Sciences asin kan WWF na mayo sa mga probinsya an nagbugtak nin siring na polisiya.[3]
Desisyon
baguhonIpinaghatol na kaipuhan ipautob kan gobyerno an polisya kan 2012. Sinabi ni Huwes Syed Mansoor Ali Shah kan Halangkaw na Korte na an pagbago nin klima iyo an "pinakamakuring peligro na inaatubang kan Pakistan." Pig-obligar kan huwes an lambang departamento magnominar nin sarong personahe na masegurong naiimplementar an mga polisya asin magmukna nin lista nin mga "action points" sa Disyembre 31, 2015.[4][5]
An desisyon pigmukna man an Komisyon sa Pagbago nin Klima, na binibilog nin NGOs, teknikal na mga eksperto, asin mga representante kan mga ministeryo tangani na mabantayan an mga naaabot kan gobyerno.[4][5]
Susugan
baguhon- ↑ 1.0 1.1 Gill, Anam (2015-11-13). "Farmer sues Pakistan's government to demand action on climate change". Reuters. Retrieved 2021-04-21.
- ↑ Estrin, David (2016). "THE DEVELOPING ROLE OF DOMESTIC COURTS IN STATE CLIMATE RESPONSIBILITIES". Limiting Dangerous Climate Change: The Critical Role of Citizen Suits and Domestic Courts — Despite the Paris Agreement: 14–16.
- ↑ Alam, Ahmad Rafay (2015-09-25). "Pakistan court orders government to enforce climate law". DAWN.COM. Retrieved 2021-04-21.
- ↑ 4.0 4.1 Sterman, David. "Pakistani Court Orders Climate Law Enforcement; US Reviews Afghan Withdrawal Plans; Modi Dines With Fortune 500 CEOs". Foreign Policy. Retrieved 2021-04-21.
- ↑ 5.0 5.1 "Leghari v. Federation of Pakistan". Climate Change Litigation. Retrieved 2021-04-21.
