Arthur Murray Preston
Si Arthur Murray Preston (Nobyembre 1, 1913 – Enero 7, 1968) sarong United States Navy na opisyal asin kagresibi kan pinakahalangkaw na dekorasyon kan militar nin Estados Unidos—an Medalya nin Onra—huli sa saiyang naginibohan sa Ikaduwang Gerang Pankinaban.
| Arthur Murray Preston | |
|---|---|
 | |
| Namundag sa | Nobyembre 1, 1913 Maryland, EU |
| Nagadan sa | Enero 7, 1968 (edad 54) Chevy Chase, Maryland, EU |
| Sinulo sa | Arlington National Cemetery |
| Alyansa | Estados Unidos nin Amerika |
| Serbisyo/ | United States Navy Reserve |
| Taon kan Serbisyo | 1940 - 1953 |
| Ranggo | Commander |
| Yunit | Torpedo Boat Squadron 33 |
| Mga labanan/Mga giyera | World War II |
| Mga Onra | Medal of Honor |
| Iba pang trabaho | Banker |
Biograpiya
baguhonSiya naggradwar sa Phillips Academy kan 1931,[1] Yale University, asin sa University of Virginia School of Law kan 1938. Si Preston sarong abogado yaon sa pagpraktis kan siya nagbali sa Pwersa Naval sa Washington, D.C., kan Septyembre 1940.
Siya natokahan na magpirmi sa Naval Station Pearl Harbor, Hawaii, kan Desyembre 7, 1941, asin nagpartisipar sa operasyon nin pagpakarhay kan base militar pakatapos binombang toda kan mga Hapones. Kan 1943, siya paratukdo sa PT boat sa Newport, Rhode Island, asin nagin pa niyang amigo si LTJG John F. Kennedy, USNR. Kan Septyembre 16, 1944, siya nagseserbing lieutenant sa Torpedo Boat Squadron 33. Kan aldaw na idto, si Preston nagmamando sa duwang PT boat sa pagligtas nin may eksito kan napalagpak na piloto sa Navy sa Wasile Bay, Halmahera Island sa Indonesya, apesar kan makuri, daing utahot na pagpa'arak-asak kan artileriya kan mga Hapones na pwersa. Gibo kaini, siya nataas sa ranggong lieutenant commander asin ginawadan kan Medalya nin Onra. Si Preston nakaantos sa pinakataas na ranggong kumander bago nagretiro sa Pwersa Naval.
Siya nagadan sa edad na 54 asin ilinubong sa Arlington National Cemetery, Arlington County, Virginia.
Toltolan
baguhon- ↑ "Notable Alumni: Short List". Archived from the original on 2 June 2010. Retrieved 23 September 2012. Unknown parameter
|url-status=ignored (help)
