Aristotele Fioravanti
Si Ridolfo "Aristotele" Fioravanti (c. 1415 o 1420 sa Bologna – c. 1486 sa Tsardom nin Russia) sarong Italyanong arkitekto asin inhenyero, aktibo sa Muscovy poon 1475, kun saen siya nagdesenyo kan Katedral Dormition, Moscow durante kan mga 1475–1479.
.JPG)
An apelyido niya minsan nasusurat na Fieraventi. An mga bersyon sa Ruso kan saiyang pangaran iyo Фиораванти, Фьораванти, Фиеравенти, Фиораванте.
Biograpiya
baguhonDidikit an aram manongod sa kaamayi kan buhay ni Fioravanti. Siya namundag sa Bologna mga 1415/1420 sa pamilya nin mga arkitekto asin mga inhenyero.
Siya nagin bantog kan mga pambihirang mga kasangkapan ginagamit sa paghirahay niya kan mga torre na pagsasadiri kan mga prominenteng pamilya kan siyudad. Sa pag'ultan kan mga taon 1458 asin 1467 siya nagtrabaho sa Florence para ki Cosimo de Medici an Matua asin sa Milan, bago siya nagbalik sa sadiring siyudad. Igdi siya nagmukna nin mga plano para sa Palazzo Bentivoglio, alagad an edipisyo dai natapos (ni Giovanni II Bentivoglio) sagkod 1484–1494. Kan 1467 siya nagtrabaho sa hadeng si Matthias Corvinus sa Hungarya.
Kan 1475 sa imbitasyon ni Ivan III siya nagduman sa Moscow, kun saen itinugdok niya an eleganteng Dormition Cathedral durante kan 1475–1479,[1] na nagguno nin inspirasyon sa Dormition Cathedral ni Vladimir. Ini an trabaho na siya narurumduman na gayo.
Susog sa ibang mga istorya, siya ikinonkon sa preso ni Ivan III kan siya nagsabing mabalik na sa Italya, asin nagadan na duman sa laog kan preso.[2] Sa ibang osipon, siya nagbali sa kampanya kontra ki Novgorod (1477–1478), Kazan (1482) asin Tver (1485).[3]
hilnga man
baguhon
Toltolan
baguhon- ↑ Mark M. Jarzombek, Vikramaditya Prakash and Francis D.K. Ching, A Global History of Architecture, (John Wiley & Sons, Inc., 2011), 544.
- ↑ Anna M. Lawton, Imaging Russia 2000: Film and Facts, (New Academia Publishing, 2004), 257.
- ↑ Michael C. Paul, "The Military Revolution in Russia 1550-1682," The Journal of Military History (Jan. 2004):9-45.