Archiduke Franz Ferdinand nin Austria
Si Archduke Franz Ferdinand Carl Ludwig Joseph Maria nin Austria (18 Desyembre 1863 – 28 Hunyo 1914) iyo an tagamanang-sunod sa trono nin Austria-Hungary.[1] An asasinasyon saiya sa Sarajevo iyo an sinasabing sarahotan na nagsabrit kan pagputok kan Enot na Gerang Pankinaban.
| Archduke Franz Ferdinand | |||||
|---|---|---|---|---|---|
| Archduke of Austria-Este | |||||
 Franz Ferdinand, c. 1914 | |||||
| Iminundag | Franz Ferdinand Carl Ludwig Joseph Maria 18 Desyembre 1863 Graz, Austrian Empire | ||||
| Nagadan | 28 Hunyo 1914 (edad 50) Sarajevo, Austria-Hungary | ||||
| Pigburol | 4 July 1914 Artstetten Castle | ||||
| Issue | |||||
| |||||
| Harong | Habsburg-Lorraine | ||||
| Amá | Archduke Karl Ludwig of Austria | ||||
| Iná | Princess Maria Annunciata of Bourbon-Two Sicilies | ||||
| Relihiyon | Roman Catholicism | ||||
| Trabaho | Archduke of Austria | ||||
| Pirma |  | ||||
Si Franz Ferdinand iyo an matuang aki ni Archiduke Karl Ludwig nin Austria, an ngohod na tugang ni Emperador Franz Joseph I nin Austria. Pakagadan dangan ni Crown Prince Rudolf kan 1889 asin pakagadan ni Karl Ludwig kan 1896, si Franz Ferdinand iyo an nagin sunod na tagamana sa tronong Austro-Hungariano. An pagilusyon niya ki Sophie Chotek, sarong lady-in-waiting, nagkawsa nin siriplingan sa harong imperyal, asin an saindang kasal na morganatiko kan 1900 itinugot sana kan pigrenunsya nya an saiyang deretso sa pagmana sa trono. Si Franz Ferdinand may magabat na impluensya sa militar, asin kan 1913 siya nanombrahan komo inspector general sa Austro-Hungarianong pwersa armada.
Kan 28 Hunyo 1914, si Franz Ferdinand asin saiyang agom pig'asasinar sa Sarajevo kan 19-anyos na si Gavrilo Princip, sarong myembro kan Bosnia'ng Hubin. Ining asasinasyon ni Franz Ferdinand nagresulta sa sarong inapod na Krisis nin Hulyo asin padagos na nagdeklara nin gera an Austria-Hungary laban sa Serbia, na nin huli man kaini nagsabrit nin surunod-sunod na pangyari kun saen an kaalyado kan Austria-Hungary (Pwersa Sentral) asin an kaalyado kan Serbia (Alyansa sa Gerang Pankinaban) nagpa-dineklara nin gera sa manaro'saro, na iyo na logod an pino'nan kan mangirhat na Enot na Gerang Pankinaban.[2][3][4]
=
Toltolan
baguhon- ↑ Brook-Shepherd, Gordon (1987). Royal Sunset: The European Dynasties and the Great War. Doubleday. p. 139. ISBN 978-0-385-19849-3.
- ↑ Marshall, S. L. A. (2001). World War I. Mariner Books. p. 1. ISBN 0-618-05686-6.
- ↑ Keegan, John (2000). The First World War. Vintage. p. 48. ISBN 0-375-70045-5.
- ↑ Johnson, Lonnie (1989). Introducing Austria: A Short History. Studies in Austrian Literature, Culture, and Thought. Ariadne Press. pp. 52–54. ISBN 0-929497-03-1.
