Antonio Trillanes
Si Antonio "Sonny" Fuentes Trillanes IV (namundag, sa Caloocan Agosto 6, 1971), sarong retiradong opisyal naval na ngonyan senador sa Filipinas.[1] Siya ngonyan kandidato para bise presidente sa 2016 eleksyon nasyunal na gigibohon sa Mayo 9, 2016.[2]
Enot na mga taon baguhon
Midbid sa gahang "Sonny" kan kapamilya asin mga amigo, si Trillanes namundag asin nagdakula sa Caloocan, an mga magurang niya iyo sinda Kapitan Naval Antonio Floranza Trillanes, Sr., (PMA Class '59) asin si Estelita (nee Fuentes) na tubong Ivisan, Capiz.
Edukasyon baguhon
Kinua niya an elementarya sa Sienna College, Quezon City poon 1975-1987, asin an sekundarya sa Angelicum College sa Quezon City. Kan 1990, kan siya yaon sa ika-apat na grado sa kurso niyang BS in Electronics and Communication Engineering (ECE), sa De La Salle University sa Taft Avenue, Manila, nag'eksamen siya asin nakapasar sa Philippine Military Academy (PMA).[3]
Karera sa militar baguhon
Pagsunod na taon (1991), naglaog na siya bilang kadete sa Philippine Military Academy kun saen siya nagtapos na cum laude kan 1995, manta na nakua niya an degree sa BS Naval System Engineering. Nasikwit niya pa an ibang mga gawad sa PMA arog kan Mathematics Plaque, Physical Science Plaque, asin Tambuli Award sa electrical/electronics engineering. Kan 2002, si Trillanes nagkua kan saiyang doktoradong adal sa University of the Philippines National College of Public Administration and Governance, asin nakua niya an master's degree sa Public Administration, Major sa Public Policy and Program Management.
Sa saiyang masters program, nakaresibi siya nin duwang University Scholar Awards ta nakakamit siya nin duwang semestral GPA na 1.0 abot 1.25 asin sarong College Scholar Award sa pagkakua niya nin semestral GPA na 1.25 abot 1.50.[4]
Oakwood Mutiny
Si Trillanes midbid sa pamomoon sa inapod na 2003 Oakwood Mutiny kun saen naglider siya sa mga 300 na mga opisyal asin mga tauhan sa Hokbong Armado kan Filipinas na nagtalikop sa Oakwood towers sa Makati City bilang protesta sa soboot lakopan na korupsyon sa gobyerno kan Filipinas, orog na daa sa Pwersa Armada kan Filipinas, asin an makuring inhustisya sosyal sa nasyon. Siya nadetinir nin haros pitong taon sa ginibo niyang lakdang na ini asin katapustapusi ginawadan amnestiya ni Presidente Benigno Aquino III kan taon 2010,[5]
Pagtalikop sa Manila Peninsula
Si Trillanes nag'sangat kan saiyang kandidatura kan Pebrero 7, 2007, sa pagdalagan bilang independiente para sa pagkasenador dawa ngani napipiot siya huli sa saiyang pag-coup d'etat. Dangan kaidto, inako niya an alok hale sa Partido Genuine Opposition bilang honradong kandidato igdi na isasabat sa mga kandidato kan administrasyon Arroyo. Siya nangampanya, manta na yaon siya sa laog kan karsel, paagi kan social networkng na Friendster. Nabotohan siya asin naproklamang Senador kan Hunyo 15, 2007 kan Commission on Elections. Siya an ikaduwang pinakahubin na senador naelihir sunod ki Benigno Aquino, Jr sa edad na 35 (an saiyang kapartido si Bam Aquino kaiba niya naman bilang pinakahubin na napili kan taon 2013..[6]
Toltolan baguhon
- ↑ https://web.facebook.com/sonnytrillanes.official/info?_rdr&tab=page_info kinua 07-3-16
- ↑ http://www.philstar.com/headlines/2015/10/14/1510613/trillanes-files-2016-candidacy-vice-president kinua 07-3-16
- ↑ http://trillanes.com.ph/about/the-senator/kinua 07-3-16
- ↑ http://senate.gov.ph/senators/sen_bio/trillanes_antonio_bio.asp kinua 07-3-16
- ↑ .http://news.abs-cbn.com/nation/10/12/10/aquino-grants-amnesty-trillanes-mutineers. kinua 07-3-16
- ↑ http://newsinfo.inquirer.net/412389/trillanes-receives-certificate-of-proclamation-from-comelec kinua 07-3-16
