Si Anita Magsaysay-Ho (May 25, 1914 - May 5, 2012 ) sarong Filipinang pintor. Sya an solong babaying miyembro kan Thirteen Moderns, sarong grupo kan mga Filipino modernist artists asin kan 1958 pinili kan mga eksperto bilang saro sa anom na bigating pintor kan bansa. An pinakabistong gibo ni Magsaysay-Ho tungkol sa Filipinas sa pagatubang sa pang-aroaldaw na mga isyu.

Biograpiya baguhon

Si Anita Magsaysay namundag kan 1914 sa Manila. An saiyang mga magurang iyo sina Armilla Corpus asin Ambrosio Magsaysay, sarong inhinyero. Saro sa mga pinsan ni Anita an dating Presidente kan Pilipinas na si Ramon Magsaysay, an ama ni Ramon na si Exequiel tugang kan ama ni Anita na si Ambrosio. Siya nag-adal sa School of Fine Arts kan Unibersidad kan Pilipinas (UP), kun sain nakakua siya nin mga instruksiyon sa mga bistong Pilipinong pintor arog nina Fabian de la Rosa, Fernando Amorsolo asin an saiyang tugang na si Pablo Amorsolo. Naglaog man sya sa UP's School of Design, kun sain naging paratukdo nya sina Victorio Edades asin Enrique Ruiz. Pagkatapos kan saiyang pag-adal sa UP, sya naghali paduman sa Estados Unidos kan 1930, kun sain nag-adal sya sa Cranbrook Academy sa Michigan asin nagtao nin leksiyon sa pagpinta asin pagkurit sa New York City. Sa New York nabisto nya si Robert Ho na gikan sa Hong Kong. Sinda ikinasal asin naglipat sa Tsina, kun sain yaun man an kompanya asin korporasyon ninda nagpoon. Sa mga nagsurunod na taon, an mag-agom nagkaigwa nin limang aki. Nagpalipat-lipat sinda nin istaran huli sa trabaho ni Ho. Nag-istar sinda sa Brasil, Canada, Hong Kong asin Hapon. Kun sain man sinda nakaistar, si Anita nagkakaigwa nin studio kun sain iginugugol niya an saiyang oras sa pagpinta.

Karera baguhon

Sa mga kaamaying taon kan 1940 na dekada, an impluwensiya kan saiyang paratukdo na si Fernando Amorsolo mahihiling man sa gibo niya sa aspeto kan mga paksa asin sa kaliwanagan kan mga obra. An saiyang gibo nagbago pasiring sa modernismo, kun sain ini naipahiling sa Istilong Cubist. Saro siya sa Thirteen Moderns, sarong grupo kan mga Filipinong modernistang pintor.

Kan Oktubre 3, 1999, an benta kan saiyang obra na "n the Marketplace" kan 1955 sa Christie's sa Singapore nag-abot sa $ 669,250 (US $ 405,360). Ini sarong talaan sa mga Filipinong pintor sa saiyang panahon. Kan 2005, si Alfredo Roces sinurat an biograpiya niya na inapod na "In Praise of Women". Siya nagpinta sagkod sa siya sa siya maggurang. Siya nagadan tolong taon makalipas kan saiyang pagkastroke kan 2009, tolong semana bago an siyang ika-98 na kompleanyo. Nag-file an senador na si Franklin Drilon nin resolusyon sa senado na nagrerekomenda ki Magsaysay-Ho na magawadan nin Artista Nasyunal para sa saiyang mga kontribusyon sa Modernong Sining sa Pilipinas.

Kagadanan baguhon

Si Magsaysay-Ho nagadan bilang sarong Canadian citizen, si Ho nagadan kan Sepyembre 9, 2012 sa Manila, Pilipinas. [1]

Mga Gawad baguhon

Ikaduwang premyo sa Manila Grand Opera House Exhibition (1950) para sa "Five Senses".

Inot na premyo kan The Philippine Art Association (PAG) (1952) para sa "The Cooks"

Ikaduwang premyo kan The Philippine Art Association (PAG) (1953) para sa "Fruit Vendors"

Inot na premyo kan The Philippine Art Association (PAG) (1959) para sa "Mending the Nets"

Inot na premyo kan The Philippine Art Association (PAG) (1960) para sa "Two Women"

Ikaduwang premyo kan The Philippine Art Association (PAG) (1962) para sa "Trio"

Mga koleksiyon baguhon

Igwa nin mga koleksiyon ni Anita Magsaysay-Ho sa:

  • The Ateneo Art Gallery, Manila, Philippines.
  • The Lopez Memorial Museum and Library, Pasig, Philippines.
  • The Metropolitan Museum of Manila, Manila Philippines.
  • The Yuchengco Museum, Makati City, Philippines.

Toltolan baguhon

  1. "Philippines: Drilon proposes award for modernist painter Anita Magsaysay-Ho". May 9, 2012.