Andres Bonifacio
Si Andres Bonifacio y de Castro (Nobyembre 30, 1863 - Mayo 10, 1897), sarong rebolusyonaryong lider na nagmawot malungkas sa Pilipinas sa pananakop kan mga Kastila. Sa pagtogdas niya kan Katipunan naapod siyang "Ama ng Rebolusyon Pilipino."
Kaamayan kan saiyang buhay
baguhonAn mga magurang niya iyo sinda Santiago Bonifacio, sarong Tagalog, asin si Catalina de Castro, sarong Kastilang mestisa na tubong Zambales. Namundag siya sa Tondo, Manila. Nagadan sa tisis an ina niya kan taon 1881 asin an ama niya, na sarong cabeza de barangay, nagadan man pagsunod na taon. Huli kaini napiritan siyang magbutas sa pagklase ngane mabuhay niya an limang niyang mga tugang. Sinasabing si Bonifacio daa parabariwas nin mga payong asin abaniko.
Pero an totoo, siya nagtrabaho komo sarong escribiente asin ahente sa Fleming and Company, negosyong sadiri nin sarong Ingles. Dangan luminipat siya sa Fresnell and Company na sadiri nin sarong Aleman. Pareho ining duwang kompaniya nakabugtak sa Manila. Enot niyang naagom nag-ngangaran Monica na nagadan sa lepra (daot) asin sumunod iyo si Gregoria de Jesus, aki nin sarong mayaman na pamilya. Sinda ngani nagpakasal na pirit maski pa an magurang kan babae nagkokontra saiya. Kinasal sinda sa Simbahan kan Binondo.
