Amrita
An Amrita (Sanskrito: अमृत, IAST: amṛta), Amrit o Amata sa Pali, (pig-aapod man na Sudha, Amiy, Ami) sarong katagang Sanskrito na nangangahulugan na "imortalidad". Iyan sarong pangenot na konsepto sa laog kan mga relihiyon na Indyano asin parateng inaapod iyan sa suanoy na mga teksto sa India na elixir.[1] An enot na paglataw kaiyan yaon sa Rigveda, na diyan ibinibilang na saro sa nagkapirang pagkakaagid sa soma, an inomon kan mga deva.[2] Dakula an papel kan Amrita sa Samudra Manthana, asin iyo an dahelan kan iriwal sa pag-oltanan nin mga deva asin asura na nakikikompetensiya tanganing kamtan an imortalidad.[3]
Manlaenlaen an importansya nin Amrita sa laen-laen na relihiyon nin India. An katagang Amrit saro man na komun na pangaran kan mga Sikh asin mga Hindu, mantang an pormang pambabae kaini iyo an Amritā. An Amrita igwa nin kaparehong ginikanan kan etimolohiya asin hinihirasan nin dakol na mga pagkakaagid an ambrosia; parehong gikan sa sarong komun na ginikanan na Proto-Indo-Europeo.[4][5]
Toltolan
baguhon- ↑ "amrita | Hindu mythology | Britannica". www.britannica.com (in English). Retrieved 2021-11-13.
- ↑ "Soma: The Nectar of the Gods". History of Ayurveda (in English). Retrieved 2021-11-13.
- ↑ Pattanaik, Devdutt (February 27, 2016). "Good deva-bad asura divide misleading". The Times of India (in English). Retrieved 2021-11-13.
- ↑ Walter W. Skeat, Etymological English Dictionary
- ↑ "Ambrosia" in Chambers's Encyclopædia. London: George Newnes, 1961, Vol. 1, p. 315.
