Amadou Toumani Toure
Si Amadou Toumani Touré (namundag, Nobyembre 4, 1948[1]) sarong Malianong pulitiko, na nagin presidente kan Mali poon 2002 sungdo 2012. Saiyang napatalsik sa pwesto si Presidente Moussa Traoré kan Marso 1991 sa sarong kudeta militar asin iyo an nag'ama sa sarong paghihira kun saen napangyari niya an eleksyon na multi-partido na. Saiyang ipiglito an poder sa mga otoridad sibilyan kan Hunyo 1992. Pakalihis sampolong taon, pakaretiro sa hokbo, nagtapsok siya sa pulitika biolang sarong sibilyan asin ginana niya an presidensyal na eleksyon kan 2002 na nakuang mahiwas asin lakopan na suporta. Libyano siyang naelihir ule para sa ikaduwang asin ultimong termino. Siya tuminago kan Marso 2012 kan an mga sungail na mga soldados nagtumang sa gobyerno asin nagbungsod nin sarong kudeta, pira na sanang bulan bago siya talagang maretiro na.[2]
An mga soldados na nagkudeta ipinagbareta na pinamamayohan nin sarong kapitan nagngangaran Amadou Sanogo asin soboot nag'alsa sa kabaldean sa gobyerno na dai sinda tinata'wan sangkap asin bastanteng mga armas sa paglaban sa mga nagrerebeldeng mga Tuareg, sarong etnikong grupo asin minoridad na nag'eerok kadaklan sa parteng desyerto kan Sahara na nasasakop kan Mali.[3]
