Aloisio da Milano

Si Aloisio da Milano, midbid man sa apod na Aloisio da Carezano, Aleviz Milanets asin Aleviz Fryazin (Алевиз Миланец, Алевиз Фрязин, Алевиз Фрязин Миланец sa Ruso) sarong Italyanong arkitekto na nagtrabaho sa Muscovy.

An Kremlin sirip sa ayre

Trabaho arkitektural sa Mosku

Si Aloisio da Carezano naghubo' sa Mosku kan 1494, sa imbitasyon ni Ivan III, sa pagsangle ki Pietro Antonio Solari bilang arkitektong senior sa korte, na responsable sa mga moog asin palasyo.

• Kan 1495, saiyang pinapusog mga pader asin an mga tore kan Kremlin Mosku, na nakahanggilid sa Salog Neglinnaya.
• Kan 1499–1508, si Aloisio da Milano nagtugdok nin magkapirang mga gapong kwarto na ngonyan binibilog kan enot na tolong suson kan Palasyo Terem.
• Kan 1508–1516, siya nagkalot nin kali (ngapit inapod na Alevizov moat sa pag'onra saiya) sa palibot kan pader nin Kremlin kahampang kan Red Square, na binilog sa apog asin ladrilyo. Ini pigpanoan tubig kan ika-19ng siglo.
• Si Aloisio da Milano nagtugdok man nin sagop sa Salog Neglinnaya kan 1508, asin sarong tulay nagbagtas igdi kan 1516.

Ginikanan kan titulo

An titulong Fryazin hale sa lumang katagang Ruso фрязь (fryaz), na sinapi sa frank, asin ini boot sabihon idtong mga tawong gikan sa Italyang Amihanan.