Alfred Hitchcock
Si Sir Alfred Joseph Hitchcock (Agosto 13, 1899 - Abril 29 1980) sarong Ingles na prodyuser asin direktor sa pelikula. Siya an nagpoon kan mga teknik na suspense asin thriller, na nagtataong bitin, makahadit asin nakakapugol-hinangos na mga eksena. Pakatapos nin asensadong karera sa pelikulang Briton, idtong daing boses asin idtong may boses na, siya naghubo sa Amerika sa Hollywood kan taon 1939.[1]
Sa karera niyang nag'ayaw nin sobrang kabangang siglo, si Hitchcock nakagibo nin sadiring istilo sa pagdirihe na bistong-bistong saiyang-saiya nanggad.[2] Siya an nagpoon paggamit kan kamera na naghihiro na siring sa pagkalagkalag nin sarong tawo na garo baga siya mismo an nagmamamaan, na baga an paradalan "nansisi'rip".[3] Ginigibo niya an mga pitik kan kamera pinapaorog an pagkakilhag, pagkatakot, pagkahadit o pakipagsumarong-mate sa eksenang yaon dinadalan. An mga istorya niya parati tinatampok an mga puganteng nagdudulag na may damay man na karakter na babaeng "blonde".[4] Kadaklan kan pelikula ni Hitchcock may biglang liko' sa paghinapos asin makapugol-hinangos na mga buod, asin binabangotan pang garadanan, krimen asin sekswal na eksena. Sa lawig kan istorya, rinirirong an motibo asin mismo an mga karakter asin mga paradalan daing pakaaram kaini hanggan sa ultimong parte. Alagad dakul kan mga "misteryo" sa istorya panlisyâ sana man na binibirik an paghuna kan mga paradalan pero nagsisirbeng salming sa pag'uusisa kan pagkatawo kan mga karakter sa istorya. Minsan si Hitchcock mismo napapel sa sadiri niyang pelikula pero garo paagi sana arog halimbawa nakikita siyang naglalakaw, nagkakape-kape o nagbukas kan pinto. An saiyang mga pagpahiling na siring, asin sa mga interbyu niya asin padalan sa telebisyon, ini gabos iyo an nagbado saiya bilang sarong icon kultural.
Mga pelikulang minukna
baguhon
Toltolan
baguhon- ↑ http://books.google.com.ph/books?id=b0kEAAAAMBAJ&pg=PA66&lpg=PA66&dq=alfred+hitchcock+englands+best+director+starts+work+in+hollywood&source=bl&ots=zLFR62HJHG&sig=p6sH_Vuhm-VRZmTJyG__NgbPKSo&hl=en&sa=X&ei=xqxtUPiQCYGX0QX9vIGgCg&redir_esc=y#v=onepage&q=alfred%20hitchcock%20englands%20best%20director%20starts%20work%20in%20hollywood&f=false kinua 13-4-13
- ↑ {{cite web |last= Lehman |first= David|url= http://www.americanheritage.com/articles/magazine/ah/2007/2/2007_2_28.shtml Archived 2018-12-24 at the Wayback Machine. |title= Alfred Hitchcock's America |work=American Heritage |kinua 13-4-13
- ↑ {{cite web |last= Bays |first= Jeff |title= Film Techniques of Alfred Hitchcock |url= http://www.borgus.com/think/hitch.htm Archived 2017-12-19 at the Wayback Machine. |work=Borgus.com |publisher=Borgus Productions kinua 13-4-13
- ↑ {{cite web |last= Whitington |first= Paul |title= NOTORIOUS! (Hitchcock and his icy blondes) |url= http://www.independent.ie/entertainment/books/notorious-hitchcock-and-his-icy-blondes-1435652.html |work=The Irish Independent |kinua 13-4-13
