Alan Turing
Si Alan Mathison Turing OBE FRS (/ˈtjʊərɪŋ/; 23 Hunyo 1912 – 7 Hunyo 1954) sarong Ingles na siyentista sa kompyuter, matematiko, lohiko, cryptanalyst, pilosopo, asin biologo teoretiko asin siya nakaimbento kan inapod na Turing machine na kun oogkuron saro nang tunay na kompyuter magagamit sa dakul na katuyohan. Siya an sinasabing ama kan syensia sa kompyuter teoretiko asin sa inaapod na artificial intelligence.[1]
Kan Ikaduwang Gerang Pankinaban, si Turing nakuang magtrabaho sa Government Code and Cypher School (GC&CS) sa Bletchley Park, an lugar kan Britanya kun saen inaadalan an pagpasa' kan mga kodigo gamit kan pwersa armada kan Alemanya. Siya nataon nagin pamayo kan sinasabing Hut 8 na duman responsable na gayo an pag'ogid kan naval na intelehensyang aleman. Igdi nakahasi siya nin mga paagi na nagparikas sa pagdiskubre kan aleman na cipher, sarong makinarya elektro-mekanikal na nasususog an mga setting kan si Enigma machine kan aleman. Dakula nanggad an trabaho niya sa bagay na ini ta an nababagat na mga kodigo kan aleman naiisihan kun saen asin ano an mga masunod na hiro kan armada kaini, mala ta an mga Allies nahingoang madaog an mga Nazi sa mga enkwentro, kaiba na diyan an Battle of Atlantic. Huli kaini, napali'pot daa an gera orog na sa Europa nin duwang taon.[2][3]
