Aileen Lagarde Tugado
Si Aileen Lagarde Tugado, edad 26 na namundag kan ika- 16 nin Abril kan taong 1997, tubong Olag Pequeño, Tinambac, Camarines Sur. Saro siyang parasurat, maestra, asin payo kan mauswag na proyekto na Project CAGAIT. Nag-eskwela asin nag-graduar sa Central Bicol State University of Agriculture-Calabanga (CBSUA) sa kursong Bachelor of Secondary Education Major in English asin nag-resibi nin award bilang Cum Laude. Dati siyang nag-serbi bilang presidente kan Teacher’s Education Student Society (TESS) sarong organisasyon na tagapadalagan sa mga estudyante kan educasion. Duwang beses siyang na- elehir asin nag-serbi sa posision nin pagka- senador sa Supreme Student Council (SSC).
Saro si Aileen Lagarde Tugado sa duwampulong (20) partisipante na kabali kan ginanap ang ika-tulong CBSUA Writers Workshop (CBSUAWW) kan ika- 3 sagkod 6 nin Oktobre kan taon 2016. An CBSUAWW sarong organisasyon nin parasurat na mga estudyante kan CBSUA- Calabanga sa banwa kan Calabanga, Camarines Sur.
Kan 2021, saro sa mga kontribusyon niya sa banwaan kan Tinambac puera sa pagtukdo iyo ang Project CAGAIT (Cultivating Community Assets through Guided and Adaptive Intervention in Teaching Reading), kun sain siya an payo kaini. Sarong proyekto na saiyang pinuonan kan panahon nin pandemya na may obheto na nagsusulong para matukduan na makanuod magsurat, magbasa asin magtaas an komprehensiyon kan mga kahubinan dawa sa panahon kan kadipisilan. Nagin magayon an kinaluwasan kan saiyang proyekto sa tabang kan mga sponsor na nakisumaro asin nag-antabay sa saiyang proyekto. Naka-abot ini sa ibang Barangay sa Tinambac arog kan San Isidro, Salvacion Poblacion, Filarca asin iba pa. Nag- resibi nin award an Don Servillano Platon Memorial National High School (DSPMNHS) bilang pagka-gana sa 'Division of Camarines Sur Search for Best Brigada Eskwela Implementer' sa paagi kan pagsalak kan Brigada Pagbasa thru Project Cagait na saro siya sa nag- administrar.[1]
Nagtutukdo siya ngunyan bilang maestra sa sekondarya sa Don Servillano Platon Memorial National High School (DSPMNHS) sa banwaan kan Tinambac. Nag-graduar siya kan saiyang kinuang Masters Degree na Master of Arts in English sa University of Nueva Caceres (UNC) sa Syudad nin Naga kan nakaaging Hunyo 2023. Padagos siya sa pagsulong kan importansiya kan pag-adal sa paagi kan saiyang mga proyekto na nagsisirbeng tabang para sa mga kahubinan.
Toltolan baguhon
