Agatha Barbara

Si Agatha Barbara, KUOM (11 Marso 1923 – 4 Pebrero 2002) sarong Maltesang politiko, na nagserbi bilang Labour Myembro nin Parlamento asin Ministro. Siya an enot na babae na nagsirbe komo presidente nin Malta, asin sagkod ngonyan iyo pa an babaeng nagserbing halawig bilang Myembro nin Parlamento sa historyang politikang Maltesa.

Her Excellency Agatha Barbara KUOM
Ika-3ng Presidente nin Malta
Termino 15 Pebrero 1982 – 15 Pebrero 1987
Prime Minister	Dom Mintoff Karmenu Mifsud Bonnici
Suminunod ki	Albert Hyzler (Acting); Anton Buttigieg
Sinundan ni	Paul Xuereb (Acting); Ċensu Tabone
Personal na mga detalye
Kamundagan	(1923-03-11)11 Marso 1923 Żabbar, Malta
Kagadanan	4 Pebrero 2002(2002-02-04) (edad 78) Żabbar, Malta
Lulubngan	Sementeryong Żabbar
Partido politikal	Labour Party

Kaamayi nin buhay

Kinamundagan ni Agatha Barbara sa Żabbar

Si Barbara namundag sa Żabbar, Malta, kan 1923. An saiyang ama nagtrabaho komo tug master (sarong eksperto piloto sa mga tugboat) para sa Royal Navy, asin ta sabihon pa hababaon sweldo. An saiyang ina nagdadarudal na masustentohan an siyam niyang aki sa tandan kan saiyang agom. Si Agatha iyo an ikaduwang aki asin pinakmatua sa mga babae. Saiyang pinakaulay saiyang mga magurang na paadalon siya asin ta siya nag'atender grammar school sa Valletta, alagad an Ikaduwang gerang pankinaban nagpugol saiya na magpadagos sa kolehiyo. Napiritan siyang magtrabaho komo air raid warden asin nagpapadalagan kan kusina nin militar Briton na nagpapakakan sa populasyon. Pakatapos kan gera, siya nagin maestra asin naimbwelto sa politika. Siya nagin kaapil sa Malta Labour Party (MLP), aaktikbong marhay sa sibot kan partido, nagin myembro kan MLP komite ehekutibo , pinamayohan an sangang pambabae kan partido asin pinagtugdas an pambabaeng Mobimyento Politikal nin Malta.

Buhay politika

Poon 1947, an Malta igwa sanang limitadong paggogobyerno. Deretso sa pagboto nin mga babae ipigtulod kan Malta Association asin kan Partido Labour asin ini laban sa pagkokontra kan Simbahan Katoliko. Maski siring, an propwesto naaprobaran sa dikit na mayoriya. An siriplingan na ini nagtolod ki Barbara na dapat ipahiling kan mga babae an makakaya ninda, kaya kan dakul naghurot saiya na siya magdalagan, siya nagtindog sa eleksyon kan 1947. Siya sana an enot na gayong babae sa 40 mga myembro kan Partido Malta na nakalusot asin logod sa sampolo pang surunod na mga eleksyon, hanggan 1982, kun saen siya nagkandidato asin nanggana sa pagkapresidente kan Malta.