An abaya "cloak" (kolokyal asin harus bistado na, Arabic: عبايةʿabāyah, urog na sa Literaryong Arabo: عباءة ʿabā'ah; darakulan عبايات ʿabāyāt, عباءات ʿabā'āt), minsan inaapod man bilang aba, iyo sarong simple, haluwag na bado, esensyal na bado arug kan "robe", pigsusulot kan nagkapirang mga babayi sa pirang parte kan mga Muslim na nasyon kabali an Norteng Aprika asin Tahaw na Subangan asin an Arabong Rawis.[1]

Sarong modernong abaya

An tradisyonal na abayat iyo itom asin pwedeng dakula na kwadrado nin fabriko para takloban an takyag o payo o sarong halabang kaftan. An abaya pigtatakloban an bilog na lawas dae kabali an payo, bitis, asin kamot. Pwede ining suloton kaiba an niqāb, sarong pangtaklob sa lalawgon apwera sa mata. An ibang mga babayi nagsusulot man nin halabang itom na guwantes, para an saindang kamot iyo marhay na natatakopan. Aram na marhay na an abaya iyo pigsusulot sa mga espesyal na okasyon, arug kan pagbisita sa mga Mosque asin mga selebrasyon sa Islam para sa Eid al-Fitr asin Eid al-Adha. An tradisyonal na bago na kebaya sa Indonesya iyo nakua an ngaran kaini sa abaya.

An rasyonale para sa abaya iyo harus naguno sa sarong pagsambit sa Quran na (sa Ingles), "O Prophet, tell your wives and daughters, and the believing women, to cover themselves with a loose garment. They will thus be recognised and no harm will come to them" (Qur'an 33:59,[2] pigpalis ni Ahmed Ali). An pagsambit na ini iyo harus pigtatao bilang an argumento sa pagsulot nin abaya.

An abaya iyo harus mahihiling sa mga nasyon na may dakulang Muslim na populasyon. An ibang mga denominasyon kan Islam iyo pigkokonsidera an entirong lawas kan babayi, apwera sa lalawgon asin kamot, awrah – na dapat dae ipahiling sa publiko sa mga lalaking dae relatibo sa dugo o pag-agoman. Sa luwas kan pirang mga Arabong istado arug kan Saudi Arabia, UAE, asin Qatar, an abaya iyo dae mahiwas na pigsusulot kan mga babaying Muslim. Bihira ini sa mga nasyon arug kan Indonesya, Indya, asin Pakistan. An abaya iyo dapit man sa manlainlain na bado sa manlainlain na nasyon. Sa Arabong istado kan Persyanong Gulpo, an abaya iyo harus itom an kulay.

Panluwas na takod baguhon

Toltolan baguhon

  1. Yarwood, Doreen (1978). The Encyclopedia of World Costume. New York: Bonanza Books. p. 9. ISBN 0-517-61943-1. 
  2. "Center for Muslim-Jewish Engagement". Usc.edu. Archived from the original on 2011-08-23. Retrieved 2012-08-22.  Unknown parameter |url-status= ignored (help)