1896 Olimpiko sa Tig-init

An 1896 Olimpiko sa Tig-init oficialmente an Karawat kan I Olimpyada, sarong internasyunal nin pakurusogan na pigselebrar in Atenas, Gresya poon Abril 6 hanggan Abril 15, 1896. Ini an enot an Olimpikong Karawat na piggibosa Modernong panahon. An Suanoy na Gresya iyo an pigmundagan kan Olimpikong Karawat, huli kaiyan an Atenas an angay na gibuhan kan modernong Karawat. Pig-uyonan an ciudad na magkapot kan sarong kongreso na pigbilog ni Pierre de Coubertin, sarong Pranses pedagogo asin historiador, sa Paris, kan Hunyo 23, 1894. An Internasyunal na Olimpikong Komite (IOC) pigbilog man kaidto.

Paskil kan Karawat kan I Olimpyada

Mga kabaling nacion

Mga kabaling nacio

An konsepto kan mga nasyunal na koponan dai parte kan hirong Olimpiko sagkod kan Interkalatadong Karawat 10 taon an nakaagi, dawa dakol na mga toltolan an naglista kan nasyunalidad kan mga parakawat kan 1896 asin nagtao nin bilang nin medalya. Igwang signipikanteng nagkokontrahan na pahayag manonongod sa mga nacion na nagbali. Ang Internasyunal na Olimpikong Komitiba nagtao nin bilang na 14, alagad dai ini pigsaro-saro. An minasunod na 14 iyo an pinakaharani sa pigbibisto kan IOC. An ibang toltolan naglista nin 12, dai kabali an Tsile asin Bulgarya; an iba naglista nin 13, kabali idtong duwa alagad mayong Italya. Minsan kabali an Ehipto huli kan partisipasyon ni Dionysios Kasdaglis. An Belhika asin Rusya piglaog an mga pangaran kan parakawat alagad naghabô si Konrad.

1. Australya – maski mayo pa nin katalingkasan an Australya sa Imperyong Britaniko, piglista si Edwin Flack na sarong Australyano.
2. Austrya – parte an Austrya kan Austrya–Hungarya kan panahon na idto, dawa na ngani an resulta kan mga atletang Austryano suway na ipiglista.
3. Bulgarya – pigsasabi kan Olimpikong Komiteng Bulgaryano na an gimnastikong si Charles Champaud nakakawat na sarong Bulgaryano. Si Champaud sarong Swisa na nageerok sa Bulgarya. Sinda Mallon asin de Wael parehong ipiglista si Champaud na Swisa.
4. Tsile – pigsasabi kan Olimpikong Komiteng Tsileyano na nagkaigwa ini nin sarong atleta, si Luis Subercaseaux, na nagkawat sa 100, 400, asin 800 metro na daralagan sa atletiko. Mayong nang detalye an itinao asin mayong nasambitan ki Subersaceaux ni Mallon, de Wael, o an Official Report.
5. Denmarka
6. Pransya
7. Alemanya
8. Gran Britanya
9. Gresya
10. Italya
11. Swesya
12. Swisa
13. Estados Unidos