Ə

An Ə o ə pig-aapod man na schwa, iyo an dugang na letra sa alpabetong Latin. Sa Pankinaban na Ponetikong Alpabeto, an sadit na ə piggagamit tanganing magrepresentar sa mid central vowel o schwa.

Inimbento iyan ni Johann Andreas Schmeller para sa reduced vowel sa huri kan ibang mga katagang Aleman asin enot na piggamit sa saiyang mga gibo kaidtong dekada 1820 sa mga diyalektong Bavaro.