San Antonio (Quipayo)
An San Antonio (Quipayo) saro sa 48 na baranggay sa Calabanga, probinsia kan Camarines Sur, Filipinas, na pinamamayuhan ni Punong Barangay Raseant P. Paglinawan. Mahihiling igdi an Our Lady of the Immaculate Conception Parish Church, mas bistado bilang Quipayo Church, asin an Pambansang Mataas na Paaralan kan Quipayo.
.jpg)
Historiya baguhon
Kan Hulyo 15, 1749, nasuway an Calabanga sa Quipayo sa pagúyon ni Don Fray Joan de Arechera, Bishop Elect of Nueva Segovia of the Commissary of the King, sa petision na pirmado asin tighain kan Calabangueños kan Abril 28, 1749 para magin sarong banwaan. Hanggan an Quipayo nagin baranggay na kan Calabanga.
Kan 1904, an Quipayo, Bombon, asin Manguiring nakatakod na sa nasabing banwaan. Hasta kan 1907, an Bombon nakontrol na kan Magarao asin kan Hulyo 27, 1949, nakua man kaini an independénsia.
An mga kagamitan na nagkakaralot sa irarom kan mga kaharungan, ini nagpapahiling na bago magabot an mga Kastila, an San Antonio (Quipayo) nakikipagnegosio na sa mga Instik kan Ming and Sung Dynasties. Kan 1578, namukna an Quipayo kan Kastila na mga misyonaryo.
Kadaklan sa mga naging mako-apo kan mga dating nagin pamayo kan Quipayo iyo an mga may apelyidong Borja, Paglinawan, Severo, Candia, Parrone, Alvarez, Maristaza, Orogo, Requinta, Lanorte, Sancho asin Castilla.
Demograpiya baguhon
Populasyon
Susog sa sensus kan 2020, igwa ini nin 843 katáwo na nakaistar na nagrerepresentar sa 0.95% kan populasyon kan banwaan kan Calabanga. Igwa ini nin 155 na pamilya o kabuuan nin 4.71% na miyembro kada pamilya. An age group na igwa nin pinakadakulang populasyon iyo an edad 10 sagkod 14.
An populasyon kan San Antonio (Quipayo) nagdukula, puon sa 593 kan 1990 hanggan sa umabot nin 843 katáwo na kan 2020. Nagdagdag ini nin 350 nin katáwo sa laog kan 30 taon. An sensus kan 2020, nagpapahiling nin positive growth rate na 3.08% o pagdagdag nin 113 katáwo sa nakaaging sensus kan 2015 na igwa nin 730 katáwo.
Geographiya
An San Antonio (Quipayo) nakabugtak ḿga 13.6987, 123.1991, sa ísla kan Luzon. Igwa ini nin ko’ordinar na 13°41'53"N 123°11'53"E.
Kabuhayan
An pagsisira, pagkayod nin trimobile asín padyak, pag-ataman nin pato asin orig an pinagkukuanan nin kwarta kan mga residente igdi. Ngunyan, hálos gabós na mga pamilia igwa nin ataman nin orig ta naglangkaw na an presyo kan barakalan kaini.
Hálos 97 porsiénto kan mga pamilia nagin gíkan an CASURECO 2 ngarig magkaigwa sindang kuryente asin an CAWADI ngarig magkaigwang man sindang tubig na maiinom asin makakarigos.
Relihiyon
Igwa nin 95 porsiéntong residente na Roman Catholic, an limang porsiénto man Seventh Day Adventist, Mormons, Iglesia ni Cristo, Johovah’s Witnesses asin The Church of Christ of the New Testaments.
Mga Destinasión baguhon
An Simbahan Katoliko sa Quipayo, Calabanga
An Our Lady of the Immaculate Conception Parish Church, mas mabistado bilang Quipayo Church, sarong simbahang Katoliko Romano. Mahihiling ini sa San Antonio (Quipayo), Calabanga, Camarines Sur, Filipinas.
An orihinal na simbahan ipinundar kan Franciscan misioneros kan 1578. Gibo ini sa kahoy asin nipa kan 1616 asin pinalitan an konstruksion kani nin reddish-brown na ladrílyo para magin pusog.
An National Historical Commission of the Philippines tigdeklará ini bilang national historical landmark kan 1979. Ngunyan si Rev. Fr. Charlz Audal an kura-paroko kan simbahan na ini.
Pambansang Mataas na Paaralan kan Quipayo
An Quipayo National High School an ika-duwa sa pinakadakulang eskwelahan sa banwaan kan Calabanga na may sumar nin 1,740 estudiánte, may 66 na mga paratukdo, asin siyam na non- teaching staff kan school year 2019-2020.
Ngunyan, ini pinapamayuhan ni Natividad De Leon. Mahihiling ini sa sona siete kan nasabing baranggay.
Patrona baguhon
Si San Antonio de Padua an patrona kan San Antonio (Quipayo) asin tigseselebrar man an kapiestahan kada Hunyo 13. Asin kada Disyembre 8, tigseselbar man kan bilog na baranggay kan Quipayo an kapiestahan ni Immaculate Conception of the Blessed Virgin Mary kun sain saro ini sa pinakaimportanteng Marian feasts sa liturgical calendar kan Roman Catholic Church.
Mga Tugang na Baranggay baguhon
An Brgy. La Purisima (Quipayo) igwa nin 701 katáwo na nagrerepresentar kan 0.79% kan kabuuhang sumár kan populasyon kan Calabanga. Pinamamayuhan ini ni Punong Baranggay Ronnie Abner.
An Brgy. Sta. Cruz (Quipayo) an ika-siyam sa dakula na baranggay sa banwaaan kan Calabanga. Igwa ini nin kabuuan nin 147 ektarya nin dága asin may 2, 553 katao na nakaistar susog sa Disyembre 2006 sensus. Pinamamayuhan ini ni Salvador Barrogo.
An Brgy. Sto. Nino (Quipayo) man igwa nin 675 katáwo na nagrerepresentar kan 0.76% kan kabuuan na populasyon kan Calabanga susog sa 2020 sensus. Pinamamayuhan ini ni Punong Baranggay Jose Batas.
Mga Opisyal kan Baranggay baguhon
Ngunyan an Baranggay pinapadalagan kan Sangguniang Barangay na pinapamayuhan kan Punong Barangay kun sain pinagbobotohan kan mga qualified voters na edad 18 pataas. An Sanggunian Barangay, tigbobotohan man kan mga qualified voters na edad 15 sagkod 18. Mánta’ an Punong Barangay an nagpipili kan Barangay Tanod, Barangay Secretary, Barangay Treasurer asin ibang empleyado kan Baranggay.
| Baranggay Position | Pangaran | Zona | Designation |
|---|---|---|---|
| Punong Baranggay | Raseant P. Paglinawan | ||
| Baranggay Kagawad | Michael Obingin | 1, 3, 7 | Appropriation, Peace and Order
Brgy. Affairs, and Infrastructure |
| Baranggay Kagawad | Minerva Tudio | 6 and 7 | Appropriation, Agriculture and Health |
| Baranggay Kagawad | Bella Comia | 5 and 7 | Appropriation, Health, and Education |
| Baranggay Kagawad | Totoy Maristaza | 2, 3, and 1 | Agriculture, Brgy. Affairs, and Peace and Order |
| Baranggay Kagawad | Allen Endrano | 2, 5, and 6 | Infrastructure, Health, and Education |
| Baranggay Kagawad | Jeff Asagra | 4 and 5 | Agriculture and Education |
| Baranggay Kagawad | Kaloy Nuyles | 1 and 4 | Agriculture |
| SK Chairman | Bito Saballa | 3 and 2 | Brgy. Affair |
| Baranggay Secretary | Maria Christina Alvarez | ||
| Baranggay Treasurer | Muriel Yanzon |
Bisión asin Súgo’ kan Baranggay baguhon
Bisión
We aim for the integrity of our constituents peace of life, liberty, poverty alleviation and development of all.
Súgo’
With the guidance of the almighty, the barangay, by the untiring efforts and leadership of its officials, creation and implementation of sustainable community development is needed.
Personalidad baguhon
Si Victor Hugo sarong tubong Quipayano na naging president kan banwaan kan Calabanga.
Dating nakaistar man igdi si Fray Bernardino Melendreras, an nag-surat kan Bikol folk epic na “Ibalon” kan 1842. Nagin saro man siya sa nagin padi sa simbahang katoliko kan Quipayo. Nabanggit an mga lugar na harani sa Quipayo arog kan Ponong, Ligmanan, Colasi, Isarog, Calagbangan asin Cotmo. Kun mayo an epiko na ini manungod sa Bikolandia, an Kabikolan dae mabibisto sa satuyang bansa na haloy na ning yaon bago pa mag-abot an mga Kastila para sakupon kita.
- ↑ http://bdp.bgas-phil.net/pdf/bdp/18645 https://en.wikipedia.org/wiki/Quipayo_Church https://en.wikipedia.org/wiki/Feast_of_the_Immaculate_Conception#:~:text=The%20Feast%20of%20the%20Immaculate,of%20the%20Roman%20Catholic%20Church. https://www.philatlas.com/luzon/r05/camarines-sur/calabanga/san-antonio.html