Si Nur Misuari sarong Filipinong pulitiko, dugong Tausug, asin dating lider kan Moro National Liberation Front.

Si Nur MIsuari
Nur Misuari kaibahan si Kjartan Sekkingstad

Nag'adal siya sa Unibersidad kan Pilipinas bilang sarong iskolar asin siya nagin sarong estudyanteng aktibista. Nagin man siyang sarong paralektura sa sinabing unibersidad, sa adal na political science. Kan mga taon 1960, saiyang tinogdas an Mindanao Independence Movement na an katuyohan iyo an pagmukna nin sarong nasusuway asin nagsasadiring estado na islamiko, putol asin dai sakop kan Filipinas, sa Habagatan kan Mindanao.

An Movimientong pinundar niya iyo an nag'ama kan Moro National Liberation Front, na enot naghahagad nin reporma, alagad, kan mga taon 1972-1976, an grupong ini nakibokbokan sa militar kan gobyerno, pero mayong inabtan an saindang pakikilaban. Tuminulas siya sa Saudi Arabia, asin nagbalik sana kan mahale sa pwesto si Ferdinand Marcos kan taon 1986.

Kan 2007, nakarsel siya huli sa kargong terorismo. Kan Desyembre 20, 2007, pigsayumahan kan Korte an saiyang petisyon na makapyansa pero ngane si kairiba niyang pito tinugotan sa pyansang 100,000 pesos. Kan Abril 2, 2008, an dating rebeldeng lider na si Muslimin Sema asin alkalde kan syudad nin Cotabato, sinalidahan siya komo lider kan M.N.L.F. Kan Abril 25, 2008 tinugotan man giraray siyang magpyansa, sa pagkuyog kan pagboot kan grupong seguridad sa Gabinete.

Nag'aatubang nin mga kaso baguhon

An Departamento nin Hustisya nagsangat nin kasong rebelyon laban ki Misuari asin ki Ustadz Habier Malik saka 59 pang iba katakod kan madugong pagsakyada kan mga tauhan niya sa Siyudad nin Zamboanga kun saen poon Septyembre 9, 2013 ginatos na tawo an nagkagaradan asin sobra sa sampolong ribong harong an tuyong sinulo kan mga rebelde. An grupo ni Misuari nandarakop nin mga sibilyan asin ginamit ining kalasag ninda sa saindang paglaban sa gobyernong tropa

Sa Misuari asin saiyang kairiba kinasuhan nin kargong rebelyon asin paglapas sa Akta Republika Nu. 9851, an akta tituladong "The Philippine Act on Crimes Against International Humanitarian Law, Genocide and other Crimes against Humanity".[1][2]

Mga panluwas na takod baguhon


Toltolan baguhon