An Ibhalong Festival[1] sarong pagromdom asin pagrokyaw kan mga pangyaring gugurang igdi sa Kabikolan siring kan ipinamalas sa istorya kan epikong Ibalong. An tampok sa selebrasyon iyo an pagpadayaw sa tinampo nin mga sayaw, drama asin mga awit nagmumustra kan ralaban kan mga heroe sa epiko na sinda Handyong, Baltog asin Bantong asin kun pano ninda nadaog asin nasupil sa Oryol, Rabot buda an mga tandayagan na hayop arog ki Tandayag, asin mga opon na nagraratak sa mga tanoman kan mga Bikolnon.

Ibalong Festival

Makolor an selebrasyon, kun anon-anong pasamno sa lawas an sinusulot sa mga maraborab na kolor sa pagpahiling nin kaogmahan kan banwaan sararo sa pagtubod asin sa ginikanan.

An selebrasyon sarong semana na gayo. Napoon sa Oktobre 25 abot 31 kan taon. Pano ini nin mga iba-iba pang aktibidad siring sa Pagpasale kan mga manlaenlaen na lutong bikolnon, Patagalan sa pagkaon ki maharang na sili, pagpa-ayon sa mga isports, pagpatinda kan mga produktong Bikol siring sa handikrafs, kontes sa Pagarayonan nin mga Daraga.

An selebrasyon pinapahiling man an katibayan, an orag sabi kaiyan, an kaisogan sa tahaw nin anoman na kalamidad, bagyo man, linog, baha o pagputok kan magayon na Ma'yong asin padagos an paghhingoa na daing pagluya nin boot.

An pagrokyaw kan Ibalong Festival tongod sa Oktobre 25 abot Oktobre 31 taon-taon. Ginigibo ini sa syudad kan Legazpi. Kan 2008, an Sorsogon Donsol National High School iyo an kampeon para sa " Best in Exhibition" asin siring man sa "Costume and Props". an Camarines Norte State College guminana para sa "Best in Street Dancing". An Matacon National High School kan Albay iyo an nakasikwit kan premyo sa "Best in Music and Sound" award.

Toltolan baguhon

  1. BICOL FESTIVALS Official website of City of Naga

Mga Nota baguhon

1. Retrato ginuno sa website kan UPIbalonBicol, Nov. 15, 2008