Si Gaetano Alberto "Guy" Lombardo (namundag, Hunyo 19, 1902 sa London, Ontario; nagadan, Nobyembre 5, 1977) dati Kanadyense dangan nagin Amerikanong lider-sa-banda asin byolinista.

Si Guy Lombardo

Siya an kagbilog kan bandang "The Royal Canadians" kan 1924 kairiba an mga tugang niyang Carmen, Lebert, asin Victor saka iba pang mga musikero na hale sa saindang banwaan. An saindang banda na pinamayohan ni Lombardo nabantog na gayo sa kinaban. Saindang pinapamansag na sinda an kagtogtog kan "Pinakamahamis na Musika Igdi sa Parte kan Langit." An mga Lombardo pigtutubod nakapabakal nin sa pag'oltan 100 asin 300 milyon na ponografong rekord kan panahon ninda.

Biograpiya baguhon

An ama ni Lombardo, si Gaetano, sarong parakantang amateur. Pinagtokdoan niya an apat sa lima niyang mga aking lalake na magkawat sa mga instrumento musikal ngane maka'iba sa mga lakaw. Kaya amay pa an magturugang nakabilog na kan saindang orkestra yaon pa sana sinda sa grammar school; sinda nagpaparaktis sa likod kan patahian kan saindang ama. Enot na pasali niya sa publiko kaiba an tugang niyang si Carmen duman sa sarong lawn party sa simbahan sa London kan 1914. An mga enot niyang rekording ginibo sa Richmond, Indiana sa Genett Studios kun saen an bantogan na trumpeter na si Bix Beiderbecke ginibo man an saiyang mga rekording, ini mga kaamayi kan taon 1924.

An orkestra ni Lombardo nagkawat sa Roosevelt Hotel sa Nuweba York poon taon 1929 abot 1959, asin an saindang mga brodkast sa Bisperas kan Bagong Taon duman sa Walfdorf Astoria nagin mayor na parte kan Bagong Taon na selebrasyon sa bilog na Norte Amerika na naghanggan sagkod 1976. Dawa ngane nagadan na si Lombardo, an saiyang bandang mga Bagong Taon na mga patogtog nagsige pa nin duwang taon sa CBS.

Kan 1939 nagin siyang naturalisadong namamanwaan kan Estados Unidos. An rekording kan The Royal Canadians kan kantang Auld Lang Syne iyo pa an enot na kantang tinotogtog Pagbabagong Taon sa Times Square.

An bandang musika ni Lombardo dawa hinihiling na "korny" sa jazz asin swing community kaidtong mga panahon, si trumpeter na Louis Amstrong sinisiraman na gayong ipagparatogtog ini.

Si Lombardo nakalaog sa Bidang nin Kabantogan (Hall of Fame) kan Long Island kan taon 2007.


Iba pang pigkasibotan baguhon

Si Guy Lombardo saro man importanteng pigura sa hidroplanong paurumbasan (hydroplane racing). Mala ta siya an nakasikwit kan Gold Cup kan taon 1946 asin duman sa Ford Memorial na paumbasan kan taon 1948. An sarong museo na dati yaon sa London, Ontario ipigdusay saiya sa pag'onra sa saiyang mga kahamanan sa pagkanta asin sa pakipag'umbasan sa hidroplano. Kan taon 2001, binisto siya asin pig'ako sa Bidang nin Kabantogan kan Canadian Motorsport huli kan saiyang mga naginibohan.

Kan mga huring taon, si Lombardo nag'estar na sa Freeport, Long Island kan Nueba York kun saen saiyang sinasaray an saiyang yate na Tempo VI. Naglaog man siya sa negosyong restoran nin mga seafood, na dati inapod "Liota"s East Point House," alagad pigngaranan nang "Guy Lombardo"s East Point House."

Si Lombardo nagin man promotor asin direktor musikal kan Beach Marine Theatre, na sagkod ngonyan popular pang maray na dumanan na konsyerto, sur kan Freeport. Ini tinogdok ni Robert Moses para saiya kumbaga ta saro siya sa posikit na tagahanga ni Lombardo.

Mga pag'onra baguhon

An Guy Lombardo Society pigmukna sa tuyong pagsaray kan musika asin historya ni Guy Lombardo asin kan saiyang mga Royal Canadians.

Igwa man tulay sa London, Ontario na ipina'ngaran saiya harani sa Wonderland Gardens asin igwa man nin Lombardo Avenue (sarong tinampo) harani sa Unibersidad kan Western Ontario.

An harong kinamundagan ni Guy Lombardo yaon pa nakatindog sa London, Ontario sa 202 Gilmore Street. Sarong plake kan mga Lombardo an nakataplak sa agihan kan Labatt Retail Store pasiring sa sarong parking lot kun saen saro man na estaran kan mga Lombardo an dating nakatindog. May saro man na dakulang tinampo sa estaran niya sa Freeport, New York an ipig'ngaran saiya, an Lombardo Avenue.

An Museong Guy Lombardo baguhon

Dati igwang museo na ikinaag para saiya sa may kasarapongan kan Wonderland Road asin Springbank Drive sa London, Ontario. Alagad, huli sa kulang an nagbibisita asin resulta kulang an ginaganar, ini pinagsarahan. Kadaklan kan si kuleksyon nasasaray na ni Douglas Flood, si dating curator. Rekomendasyon kan syudad dai na pagbuksan.

Media baguhon


Mga panluwas na takod baguhon