Christiane Martel
Si Christiane Martel (namunda Christiane Magnani kan 18 Enero 1936) sarong Pranses na aktres asin reyna nin kagayonan na nagin ikaduwang babai na nanaog nin Miss Universe, sa 1953.[2] Siya sana an kasasarong babaing Pranses na may kapot kan titulong Miss Universe sagkod na koronahan si Iris Mittenaere kan 2016.
| Christiane Martel | |
|---|---|
.jpg) | |
| Kamundagan | Christiane Magnani 18 Enero 1936 Piennes, Pransya |
| Trabaho | Aktres |
| Mga taon na aktibo | 1954–1962 |
| Langkaw | 5 pye 6 pulgada[1] |
| Titulo | Miss Universe 1953 |
| Agom | Ronnie Morengo (nagdebursyo) Miguel Aleman Velasco |
| Beauty pageant titleholder | |
| Mga darakulang kompetisyon | Miss Cinémonde 1953 (Nanaog) Miss Universe 1953 (Nanaog) |
Si Martel nagin Miss Châtellerault kan 1952. Siya nakoronahan nin Miss Cinémonde asin nirepresentar an Pransya sa Miss Universe 1953 kun sain siya an nagin ikaduwang Miss Universe. Siya kinoronahan kan aktres na si Julie Adams huli ta binutasan na kan Miss Universe 1952 na si Armi Kuusela kan Finland an korona.
An mga nagsurunod ki Martel sa pagarayonan kan 1953 iyo si Myrna Hansen kan USA, sinundan kan mga delegada kan Hapon, Mehiko, asin Australya.
Matapos an saiyang pag-reynar, si Martel nagkaigwa nin matriyumpong karera sa pangkinaban na pelikula, asin nagluwas sa mga pelikula siring kan Yankee Pasha, So This Is Paris, Drop the Curtain, an bersyon 1956 kan Corazón salvaje (bilang kontrabidang si Aimée), Viva el Amor!, Rosa Blanca asin an saiyang panhuring pelikula sagkod sa ngunyan, an Leoni al Sole kan 1961.
Si Martel ikinasal Ronnie Marengo, sarong eredero nin tindahan na saiya man sanang sinuwayan kan 1955.[3] Kan 1961, ikinasal siya Miguel Alemán Velasco, na nagin Gobernador kan Veracruz asin aki ni Miguel Alemán Valdés, dating presidene kan Mehiko. Nagkaigwa sinda nin tulong aking babai asin sarong lalaki. An saindang aking lalaki, si Miguel Alemán Magnani saro sa mga kasosyo sa Televisa asin an kagrugaring kan sarong low-cost airline, an Interjet.[4]
Siya nagluwas sa telebisyon sa mga taon nin Miss Universe kan 1989, 1993, asin 2007 na ginibo sa Mehiko. Nagin man siya hurado selebriti sa Miss Universe 1978. An huri niyang pagluwas sa telebisyon kan 3 Desyembre 2011 sa Miss France pageant.
Toltolan baguhon
- ↑ "New Miss Universe Is a Cute Parisian Dish". Spokane Daily Chronicle. 18 July 1953. https://news.google.com/newspapers?id=a3YzAAAAIBAJ&sjid=hPYDAAAAIBAJ&pg=5553,4347060&dq=christiane-martel&hl=en. Retrieved on 18 April 2019.
- ↑ Christiane Magnani, la “Miss Universo” que reina en el corazón de Miguel Alemán Velasco. Hola. 3 July 2013
- ↑ Mark Griffin (2010). A Hundred Or More Hidden Things: The Life and Films of Vincente Minnelli. Da Capo Press. pp. 168–. ISBN 0-306-81893-0.
- ↑ Christiane Martel Profile. glamourgirlsofthesilverscreen.com
Mga panluwas na takod baguhon
| An Wikimedia Commons igwa nin medya dapit sa Christiane Martel. |
