An BusinessWorld sarong aldawan na peryodikong pangnegosyo minukna ni Raul Locsin. An pinu'nan kaini iyo an "Business Day" na tinogdas niya kan 1967 alagad nagsara pakalihis nin 20 anyos huli sa problema sa mga trabahador kaini. Saiyang pinadagos kan Hulyo, 1987[1] alagad sa pangaran nang "BusinessWorld" kun saen an mga empleyado kahiras na sa pagrorogaring kan peryodiko.

Sinasabing an peryodikong ini napalaen huli ta natanom niya an pusog na imahe bilang sarong peryodiko na higot na sinusunod an estandarte nin pagkamatanos, kredibilidad asin integridad, mga prinsipyo na pinangatamanan na gayo kan kagtogdas kaini, si dainang Raul Locsin, na an saiyang pagkapropesyonal asin integridad nagrayo' saiya sa mga daing kadatahan na diringkilan asin sa salang paggamit kan poder kan print media orog na sa personal na katuyohan o pagbalos. [2]

An dating pamayo kaini asin kagtogdas, si Raul Locsin, malinaw asin higot nanggad na habong ikompromiso an integridad editoryal kan saiyang papel asin an mga advertiser kaini dai tinutugot na magkiyaw'kiyaw sa kiling o sa napapalaman kan mga bareta, mga bagay na nagtaong timbang sa peryodiko sa lawig kan saiyang pagpupublikar.[3]


Toltolan baguhon