Brgy. Dominorog, Calabanga, Camarines sur
An Dominorog saro sa mga baranggay kan Calabanga, primerong banwaan kan probinsya kan Camarines sur sa isla kan Luzon, Pilipinas na may hiwas nin 263.00 kilometro kwadrado. Ineerokan kan 1,129 na tawo o 1.27 kan populasyon kan bilog na Calabanga susog sa sensus kan 2020. Mahihiling igdi an saro sa mga eskwelahan sa Calabanga, an West Coast High School asin an Dominorog Elementary School. Bistado man an baranggay na ini sa produksyon kan bagas asin tiklad huli sa mahiwas na tanuman kan paroy asin tanom na nipa. Kataid kaini an mga baranggay kan Santo Domingo, San Bernandino, Balongay, Balatasan, asin Punta Tarawal.
Huli sa pangaran kaini na “Dominorog” na boot sabihon sa tararamon nin Bikol ay "nagtaid magturog" kadakol an mga tawong nakukuang ngiritan dangan mapa isip sa pangaran kan nasambitang baranggay. Mantang kapag tighapot ka kun taga sain ka asin sinambit mo ang pangaran kan baranggay na ini iyo man an paghapot na pasuba kan mga tawo kun dakol man daa an nagdudururugan igdi. Alagad, an dakula asin mas importanting hapot sa gabos an kun sain hali ang pangaran na ini.
Kan 1935, panahon kan mga hapon. Igwang sarong agihan o tinampo sa Bikol an Baranggay Balongay, kataid na baranggay kan Dominorog ngonyan. An tinampong ini ay pasiring sa baranggay Dominorog na kinokonsiderahan na saro sa mga sitio kan Baranggay Balongay kaidto. An sarong salog kaini ay nakalinyada pasiring sa Baranggay Dominorog na garo magkataid. Hasta nag agi ang dakol na panahon an mga lokal na tawong nakaistar igdi ay inapod ang agihan na ini na Dominorog ta huli ini ay mantang nakahanay kataid an salog na kun sain ginagamit kan mga tawo kaidto na agihan para sa transportasyon asin pag angkat ning mga produkto o pangangaipo kan mga tawo.
Saro sa mga hanapbuhay kan mga tawo sa baranggay na ini ay eu an pag gibu ning tiklad, pagtanom nin paroy, asin pag kua nin sira sa mga salog. Dakulang porsyento kan populasyon igdi ay mga paratiklad, parauma, asin parasira kaya kadaklan sa mga kahaharongan igdi ay gibo sa tiklad pati an mga pangayab sa dapugan.
Sinisilebrar man an kapistahan kan Baranggay Dominorog kada Mayo 13 asin Mayo 14 kada taon bilang pag taong pugay asin pag giromdom sa saindang patron na si San Isidro Labrador, an patron kan mga parauma.
An Baranggay Dominorog ay saro sana sa 48 na baranggay kan banwaan nin Calabanga na may maray na pagkakabisto. Ngonyan, ini padagos na nagtutukdok nin marahay-rahay na kumunidad para sa magayon asin pagpapahiras nin progreso kan bilog na baranggay asin banwaan.